事關我一直都有留意樂視係香港幾時會正式賣手機，上去香港樂視商城發現，竟然多左 Le 1 手機介紹同搶先登記既按鈕！ 我好激動咁登錄左，但後來發現原來只係叫大家登錄咋！ 暫時都未有我最想知道既預購優惠或者價錢！但最起碼說明 Le 1 開賣既日子近了！ Le 1 呢部電話有咩咁吸引？ 皆因機身採用金屬邊框， 用上 MTK Helio X10 處理器，3GB RAM，5.5 吋 Full HD，1300 萬像素 f/2.0 大光圈 OIS 鏡頭。最重要既當然係，官方網站寫明港版有雙卡雙待雙 4G！
其實有留意小弟早前既分享都應該知道，樂視講明係電腦節期間會有大搞作，同埋會有正式既樂視手機亮相！ 不過我相信大家同我一樣，最關心都係個售價，究竟規格咁靚仔有無機會賣二千有找呢？