首先講下外型方面，Le 1s 的機背是銀色的，而正面則是白色的，並採用了無邊框設計。另外，跟上一代 Le 1 一樣，Le 1s 採用了 5.5 吋 FHD 解像度的大屏幕。最重要嘅係，佢嘅機身厚度只有 7.55mm，可見呢部手機好薄。呢部 Le 1s 同一般的手機差不多，正面會有前置鏡頭，而後面就有主鏡頭、閃光燈同埋指紋辨識器。而 Letv 在發佈會上又提到，而家嘅智能手機部部機都係一樣，而且內容封閉，所以 Letv 推出了 EUI 5.5，讓你可以重新定義桌面，做到內容桌面化的效果，相比一般的智能手機，Le 1s 呢個系統打破了傳統邊界，相對更自由。
▲ EUI 5.5 能夠將三大桌面擴展為多類桌面。
而規格方面，Le 1s 採用了 MTK 2.2GHz Helio X10 64位元八核心處理器，性能比上一代增強了超過 10%，並採用了 Power VR G6200 GPU，就算玩大型 3D 遊戲都能夠好順暢。另外，Le 1s 內置了 3GB RAM 以及 32GB ROM。而電量方面，Le 1s 採用了 3000mAh 大電池，續航能力比上一代長 2 小時以上，並支持快速充電技術，充電 5 分鐘，能夠通話 3.5 小時。另外，Le 1s 將會使用 USB Type－C 充電器。
▲ 配備了 Helio X10 Turbo 處理器。
▲ 配備 3GB RAM 以及 32GB ROM。
▲使用 Type-C。
▲ 充電 5 分鐘就可以通話 3.5 小時。
至於相機方面，Le 1s 配備了 1300 萬像素的主鏡頭以及閃光燈，並設有相位對焦功能，配備了 ISO Cell 深槽隔離技術，能夠捕捉每一線光線，影出黎嘅相還原度會好高。而今次 Le 1s 在拍攝部份亦有一個賣點，就是佢嘅對焦速度快，只需 0.09 秒就能夠快速對焦，比 iPhone 6s 的 0.28 秒還要快。仲有就係 Le 1s 是支持 4K 錄影的。前置方面，Le 1s 配備了 500 萬像素 85 度廣角前置鏡頭，自拍嘅時候可以影到多啲人，而且比上一代擁有更大的光圈，令到進光量更大，而且暗光細節更分明。
▲ Le 1s 配備 1300 萬像素主鏡頭，並擁有藍玻璃紅外濾光片，配備 F/2.0 大光圈，並支持 ISO Cell 成像提升技術。
▲ 相位對焦達到 0.09 秒，對焦速度比 iPhone 6s 快 2 倍。
▲ 擁有 500 萬像素背照式攝像頭，能夠讓進光量更大。
至於功能方面，Le 1s 支持雙卡雙待中港 4G 功能，你可以橫跨中港兩地都可以享受 4G 的網絡速度。另外，Le 1s 將會有一個全新的郵件功能，能夠非常快捷地發郵件。另外，採用了 EUI 5.5 系統的 Le 1s 將會有一個畫中畫、多視角、360 度全景直播、3D 直播等功能。至於跑分方面，Le 1s 的跑分為 55958，成為「新一代」安兔兔跑分王。
▲ 根據安兔兔的評分，Le 1s 的跑分為 55958，成為「新安兔兔跑分王」。
唔知大家有無一齊睇發佈會直播呢? 睇完以上嘅介紹，有幾多人對呢部手機會有興趣呢? 呢部 Le 1s 的售價為人民幣 $1099，版主我其實都有啲興趣，一黎之前成日同大家強調過自己中意大芒機，二黎呢部機夠薄，個人認為比較有手感。最重要係唔貴，唔知大家又點睇呢?
Letv 1s 發佈相關文章
千五有找! 樂視超級手機 Le 1s 正式發佈!
香港 12 月賣! 千五有找 金屬化英超手機! Letv 樂視 Le 1s 真機快速試
Letv 10.27 發佈會傳聞大集會
S820 旗艦、120 寸大電視打孖上？樂視發佈會 3 大爆點你要知！
英超手機？Letv 樂視月底公佈超級手機第二代
Letv 樂視超級手機二代曝光! 或會加入英超直播?
樂視手機 2 代機背曝光 向 iPhone 4 致敬
Le 1s 在文章刊登時，香港上市日期及建議零售價未定。按這𥚃有更多規格詳情及最新賣價。
