千五有找! 5.5 吋 FHD 芒 + 八核心 Le 1s
Le 1s 是超級手機 Le 1 的升級版，並於 10 月 27 日在北京發佈，短短兩個月呢部 Le 1s 終於話咁快喺香港推出，實是難得。記得之前 Le 1 嘅時候，YK 仔同大家分享過樂視成日吹話就快喺香港發售行貨版手機，但講左好耐都遲遲未有消息，等到大家頸都長。而家咁快就同大家見面，呢個應該都係一件好事黎嘅! 就等版主先同大家重溫一下呢部 Le 1s 的特點啦!
在外型方面，Le 1s 採用了無邊框設計，並具備 5.5 吋 FHD 解像度，而且機身厚度只有 7.55mm，十分纖薄。而規格方面，Le 1s 採用了 MTK 2.2GHz Helio X10 64位元八核心處理器，性能比上一代增強了超過 10%，並採用了 Power VR G6200 GPU。另外，Le 1s 內置了 3GB RAM 以及 32GB ROM，並採用了 1300 萬像素主鏡頭以及 500 萬像素前置鏡頭，主鏡頭方面能夠做到 0.09 秒快速對焦。而電量方面，Le 1s 採用了 3000mAh 大電池，續航能力比上一代長 2 小時以上，並支持快速充電技術，充電 5 分鐘，能夠通話 3.5 小時。另外，Le 1s 將會使用 USB Type－C 充電器，並支持指紋解鎖功能。
▲ 至於售價方面，Le 1s 通用版 (雙 4G) 目前的水貨價為 HK $1550，估計 Le 1s 行貨一推出之後，價錢會更加便宜。至於港行建議零售價，Le 1s 的售價為 HK $1499，包三個月 Letv 樂視內容嘅狂睇組合。
▲ Le 1s 淨機價為 $1499，包三個月 Letv 樂視內容。
▲ $2999 賣價，就會包 Letv 樂視內容 12 個月狂迷組合及一個英超球季任睇。而 $1999 賣價會包 Letv 樂視內容 6 個月狂迷組合及 3 個月英超球季任睇。
頂級規格 Le Max! 2K 芒 + 4GB RAM + S810
尋日版主就同大家分享過，最近 Letv 樂視在佢地嘅 Facebook 專頁上暗示，今日的發佈會除左會有 Le 1s 之外，仲好大機會推出旗艦級的 Le Max，而呢部 Le Max 真的來了! 大家有無興奮的感覺呢?
Le Max 採用了全金屬一體化設計，擁有 6.33 吋 2K 解像度的超高清大屏幕，並配備了 Qualcomm Snapdragon 810 八核心處理器，內置了 4GB RAM。至於儲存容量方面，Le Max 在香港將會推出 64 GB 版本。至於相機方面，Le Max 採用了 2100 萬像素 OIS 光學防震 6 鏡片式鏡頭，在主鏡頭上規格相當吸引。另外，Le Max 具備極速指紋解鎖功能，並擁有 3400 mAh 電池。
▲ 呢個規格真係可以稱得上頂級，不過價錢方面會唔會好貴呢? 睇番 Le Max 今日的水貨價，32GB 版本的 Le Max 水貨價為 HK $3080，而 64GB 的價錢約為 HK $3480-3580。至於香港行貨價方面，Le Max 的建議零售價為 HK $4499，csl、1010 會係獨家網絡商。
▲ $4499 機價已包括 Letv 樂視內容 12 個月狂迷組合及 一個英超球季任睇。
▲ 同場公佈 LeMax 藍寶石版本，賣 $7999，但唔係人人買到，要by invitaition。$7999 機價已包括 Letv 樂視內容 12 個月狂迷組合及 一個英超球季任睇。
▲ 12 月 9 日接受登記，1 月 13 日公開發售，預計要賣一萬一千台。
以上同大家分享左 Le 1s 以及 Le Max 的規格同埋香港建議零售價，唔知大家覺得呢個價錢合唔合理呢? 呢兩部手機入面，你會對邊部有興趣多啲呢? 另外，除左 Letv 樂視手機之外，相信大家最關心的都是有關英超賽事的問題。之前版主同大家分享過有關 Le 1s + 一年英超的傳聞，到底呢個消息係堅定流呢? 而今日 Letv 樂視亦都發佈左有關英超 package 嘅消息，想知關於英超賽事的價錢，請按這裡。
