6GB RAM 手機初現
當香港推出買「英超體育直播視頻組合」一年服務費，送樂視手機的時候，新一代樂視超級手機，於今日 4 月 20日，就正式發佈。一門三件：都是樂視超級手機第一代：包括 Le 2 (樂 2) 、Le 2 Pro (樂 2 Pro) 及 Le 2 Max (樂 2 Max)。Le 2 Max 是重點型號：它有 5.7 吋 2K 屏幕，採用 Qualcomm S820 處理器。Le 2 Max 有兩個版本，標準版是 4GB RAM＋32GB ROM，高配版是 6GB RAM + 64GB ROM，比起之前傳聞三星 Note 6 用 6GB RAM，走快了一步。Le 2 Max 是最頂級的型號，相機亦是最頂級：它採用 Sony IMX230 1/2.4 吋感光元件，能拍到 2100 萬像素相片，支援 PDAF 相位對焦及支援 OIS 光學防手震。而前鏡則有八百萬像素。Le 2 Max ID 採用無邊框 3.0，看起來無邊框，但其實還是有黑邊。Le 2 Max 還支援 CDLA 音效技術。
▲ 雖然 Le Max 2 是首部公佈採用 Snapdragon 820 的 Android 手機，但最快也要六月才於香港上市。
▲ Le Max 2 沒有前代的巨芒（改為 5.7 吋），連機身都比起 iPhone 6s Plus 細。
▲ 採用 Sony IMX230 感光元件，是 Le Max 2 最大賣點之一。
▲ 高配版有 6GB RAM + 64GB ROM
▲ Le Max 2 支援雙快充技術，包括 Type C 專用的快充及 Qualcomm 的 QC3.0
▲ Le Max 2 係官方數值上，在安兔兔跑分有 14 多萬分的成績，不知實機有沒有呢個表現呢？
Le 2 與 Le 2 Pro
Le 2 及 Le 2 Pro 外型差不多是一樣，但兩者其實有少少分別的。首先 Le 2 係用上 MTK Helio X20 處理器再配上 3GB RAM 以及 32GB 內置容量。而 Le 2 Pro 就採用較過級的 MTK Helio X25 處理器。另外，係相機方面都有不同， Le 2 只有支援 PDAF 相信對焦的 1600 萬像素後置相機 + 800 萬像素前置相機，而 Le 2 Pro 就係用左 IMX 230 Sony 感光元件 2100 萬像素鏡頭再配 800 萬像素，所以係外型上，其實 Le 2 Pro 的鏡頭係會比較突出的。另外兩部機 Le 2 與 Le 2 Pro 都係用上 5.5 吋 Full HD 屏幕以及支援 PDAF 相位對焦。再來講多少少發佈會上沒有提到，但係版主 Keith 收到的消息。話說，係實機體驗環節上，原來仲有一部用上 Qualcomm S650 處理器的 Le 2 ，而且據聞香港最終會開賣的正係呢部而不是 MTK 處理器版本呢。
Type C 大晒
三款 Le 2 系列，包括 Le 2 Max 、Le 2 與 Le 2 Pro 都有幾個共通特色。首先，它會是首款 Android 手機，全面依靠 USB Type C，抽起 3.5mm 耳機孔。點解呢？首先，樂視會推出兩款自家兩款 type-C 耳機，而跟機亦會有 Type C 轉 3.5mm 耳頭，方便過渡。另一樣，三款機都會支援 PD 快充，即係透過 Type C USB 做到的快充供電。由於 Le 2 Max 採用 S820 CPU，佢會同時支援 Quick Charge 3.0 技術。 三款 Le 2 都有指紋辨識，Le 2 Max支援超音波指紋辨識。
▲ Le 2 與 Le 2 Pro 外型同前代好似差不多，但實際上都係外理處理上都有改變嘅。
▲ Le 2 雖然係發佈會上宣佈用上 MTK X20 但係到香港開賣的版本，就有可能用返 Qualcomm S650。
▲ 相機方面，Le 2 對比前代 Le 1s ，主要係主相機提升至 1600 萬。
▲係相機規格上， Le 2 都有 PDAF 相位對焦，同時有 f2.0 大光圈。
Le 2 系列上市資料
係價錢方面， Le 2 、 Le Pro 以及 Le Max 2 係價錢上其實都幾有驚喜！樂視剛剛就公佈，價錢最便宜的 Le 2 只係 1099 人仔，而 Le 2 Pro 都只係 1499 人仔。而且來到 S820 處理器的 Le Max 2 ，價錢都只係 2099 人仔，即使係 6GB RAM ＋ 64GB ROM 版本都係 2499 人仔。將會係 4 月 26 號係大陸開賣。［重要更新］
剛剛版主都提到，係試機環節中有發佈會上沒有提到的 S650 版本 Le 2 。由此推斷，到香港開賣時， Le 2 將會係推出 Qualcomm S650 版本。而且，同樣用上 MTK 處理器的 Le 2 Pro 就好大機會不會到港開賣了。（話說上年都係得 Le 1s 同 Le Max ，沒有 Le 1 Pro）當然，以 S820 處理器加 6GB RAM 為主打的 Le Max 2 到港開賣的機會都好大啦！
▲Le 2 定價是 1099 人仔，大約是 $1317 港幣。
▲而 Le 2 Pro 價錢就係 1499 人仔，大約是 $1797 港幣。
▲ Le Max 2 的 6GB RAM ＋ 64GB ROM （雙 6版）都係 2499 人仔，即係 $2996 港幣。
更多有關樂視 420 發佈會的消息：
又一部 S820! 5.7 吋樂視超級手機 Le Max 2 有 6GB RAM比拼 HTC 10 ? S820 處理器 樂視超級手機 Le 2 Max 效能即睇
50 吋 4K 電視＋S810 處理器！樂視超 4 X50 Pro 定價超平？
在文章發佈時，樂視 Le 2 在港開賣日期未定，按此看手機詳細規格及最新賣價。
在文章發佈時，樂視 Le 2 Pro 在港開賣日期未定，按此看手機詳細規格及最新賣價。
在文章發佈時，樂視 Le Max 2 在港開賣日期未定，按此看手機詳細規格及最新賣價。
