5.7 吋 2K 芒旗艦大平賣! 最平 $1800 有找!
今次版主想講的手機有 LeEco Le Max 2、魅族 Pro 6 Plus 以及 LG V20，當中劈價跌得最勁的，是 LeEco Le Max 2，繼 2 月大舖將 Le Max 2 的賣價劈到 $2999 之後，最近再有減價，變成了「即減 $1200」，最新賣價為 $2399。未算最平，原來 csl. 都做緊淨機激賞價，只需 $1799，千八蚊唔使就有 S820 + 6GB RAM + 64GB ROM，係咪都算可以考慮當後備機呢? 至於魅族 Pro 6 Plus，雖然而家仲係減果 $100 賣 $3899，不過佢用三星 Exynos 8890 處理器，內置 4GB RAM + 128GB ROM，亦都是一個不錯的選擇。假如你話，你唔想用大陸機，5.7 吋 2K 芒手機，仲有乜嘢可以選擇呢? LG V20 或者啱你。原本大舖賣緊 $4998，但自從 LG G6 推出左之後，V20 就逼住要跌價，一減減多 $500，最新賣價為 $4498。呢個價錢，以 LG 旗艦來說，似乎還有很大的跌價空間，你會唔會選擇呢個時候入手呢?
▲ Le Max 2 有 S820 + 6GB RAM +64GB ROM，個 spec 好似好唔錯，csl. 賣 $1799，又值唔值得考慮呢?
▲ LG V20 自 G6 推出之後，最近減多左 $500，最新賣價為 $4498。
比拼 LeEco Le Max 2、魅族 Pro 6 Plus、LG V20，邊部值得考慮?
▲ 按上圖或按這裡，比拼 LeEco Le Max 2、魅族 Pro 6 Plus 以及 LG V20，呢三部機之中，邊部你會覺得值得入手呢?
LeEco Le Max 2 在文章發表時，大舖賣價為 $2399，按這裡有詳細規格及最新賣價。
魅族 Pro 6 Plus 在文章發表時，大舖賣價為 $3899，按這裡有詳細規格及最新賣價。
LG V20 在文章發表時，大舖賣價為 $4498，按這裡有詳細規格及最新賣價。