上次就同大家講，Onkyo GRANBEAT 香港賣價預計會五千幾蚊左右，咁實際價錢係幾多呢？發佈會未開始，但百老匯官網上已經出現了呢部 Onkyo GRANBEAT 的香港建議零售價為 $5998，將於即日正式在百老匯以及 SmarTone 開賣。呢個價錢，同 Onkyo 現有果部音樂播放器相差幾百蚊左右，有埋通話功能，你點睇呢？如果同日本定價比較下， GRANBEAT 日本定價 91584 円，兌返港幣差不多 ＄6400，換句話說，日本人係當地買機仲貴過係香港買......當然啦，你可以話香港人去到有得退稅，計返都會平過香港行貨價，但就無左保養囉！
版主之前上手玩時，覺得呢部嘢最大的問題係太重，但拎出街應該都會幾型嘅。配置上用上了 5 吋 FHD 屏幕，配備 Qualcomm S650 處理器、3000mAh 電池、3GB RAM 以及 128GB ROM，並可支持 256GB microSD 擴充。相機用上 Sony Exmor RS 等級的 1600 萬像素，而前置鏡頭則有 800 萬像素。值得一提的是，Onkyo GRANBEAT 卡槽用上真三卡設計，並可以支持香港 1800 / 2600 4G LTE 頻段。
更多 Onkyo GRANBEAT 上手圖賞:
▲ Onkyo GRANBEAT 只有黑色一種顏色。
▲ 仲記唔記得之前俾大家睇嘅真機相。
▲ 拎上手係有點笨重，但係型嘅。
▲ 前置鏡頭有 800 萬像素。
▲ 機背有 1600 萬像素主鏡頭，用上 IMX298 感光元件，同華為 Mate 8 同級。
▲ 機底配備 microUSB。
Onkyo GRANBEAT 在文章發表時，賣價為 $5998，按這裡有詳細規格及最新賣價。
