版主收到風，雷蛇將會在 12 月 7 日舉行發佈會，發表這部話題性極高的 Razer Phone。香港建議零售價為 $5999，呢個價有無令你有「嘩」一聲的衝動呢？記得上次同網友分享 Razer Phone 會賣的消息，有網友認為 「如果 $5998 都抵丫」，而家只係比你預算差 $1，你係咪會即 Go? 版主又真係好想知道。
不過，Razer Phone 賣 $5999 真的有吸引力嗎？平心而論，講 specs 的話 Razer Phone 係吸引嘅，最主要係佢支持 120Hz 的 5.7 吋 IGZO 顯示屏，配備 S835 旗艦處理器，內置 8GB LPDDR4，儲存容量有 64GB，夠唔夠用就見仁見智，不過唔夠用可以插最高 2TB 的 microSD 卡，問題並不算是太大。
但整體來說，同其他品牌同級手機比較，又不過是差個 120Hz 顯示屏同埋多 2GB RAM，又係咪真係值得呢個價錢？好似 HTC U11，大舖而家賣緊 $4880，平過千；Sony XZ1 無錯係得 4GB RAM，但賣 $4698，都唔使五千就買到。真係目前仲係企到硬一硬的 S835 旗艦機，就只有三星。S845 手機好快就有，S835 選擇有咁多，你又會唔會花 $5999 呢個價買 Razer Phone 呢？留言討論下啦！
▲ 第一感覺，Razer Phone 是 Sony + Nextbit Robin 的混合版，用上了 5.7 吋 IGZO 顯示屏，所以一望個芒，已經覺得啲顏色好靚。
▲ 屏幕上方會有 800 萬像素前置鏡頭。
▲ 機背用上金屬材質，中央清楚見到 Razer 的 Logo。
▲ 機背左上方具有 12MP + 12MP 主鏡頭，一個用途為廣角，另一個用途則為 Zoom，並具備雙色溫閃光燈。
▲ 機身右側同 Sony 一樣，都是具有圓潤的開關鍵，並支持指紋辨識。
▲ 而右側上方會有三選二 SIM 卡槽，其中一個卡槽可支持最高 2TB microSD 卡。
▲ 左側會有兩個圓形的音量鍵。
▲ 在燈光底下，其 Razer Logo 更為明顯，係型嘅，但機身比較闊，對於手細的版主來說，似乎不太適合我。另外，機身重量為 197g，亦感覺比較墜手。
Razer Phone 在文章發表時，建議零售價為 $5999，按這裡有詳細規格及最新賣價。
