超吸引！買 Honor 摺芒手機 Magic V2 勁多着數 送 Bose 頭戴耳機！扣除優惠千零蚊買到！

左定坤 (Cho Ting Kwan) 2024-01-11 17:57 | Honor

Honor 摺芒手機 Magic V2，終於正式在香港發表，正如早前所爆料嘅一樣，Magic V2 香港建議零售價，同我收到風嘅消息一樣。但當時雖然收到價錢消息，但就無收到預訂有乜優惠！去到發佈會一睇優惠，嘩，好似之前 X9b 咁，勁多嘢送，其中包括有 Bose 頭戴耳機！扣除優惠，機價只係千零蚊。想知詳情，睇下文啦！

預訂 Honor Magic V2 勁多禮品送

如我爆料一樣，Honor Magic V2 即日起已在香港接受預訂，建議零售價為 $10999，1 月 18 日之前預訂 Magic V2，即可獲贈價值超過 $9000 禮品，包括 Bose QC 無線消噪耳機一個 (建議零售價 $2699)、Honor 芳綸纖維支架保護殼一個 (價值 $339)、Honor Care 內屏更換服務 (價值 $5899) 以及 Honor Care 內屏保護膜更換服務兩次 (價值 $339)。

最吸引係 Bose 耳機

最吸引係送 Bose 頭戴耳機，好少買手機會送咁靚嘅耳機，淨係呢隻耳機，已經值回票價。不過從禮品中都可以留意到，呢部摺機換個芒原來都要 $5899，價值超過成部手機機價嘅一半，雖然 Honor Magc V2 嘅鉸鏈技術令手機成為全球首款獲得世界領先嘅測試以及認證機構嘅 SGS 肯定，認證鉸鏈可以承受超過 40 萬次嘅摺疊，但呢個認證唔係包括屏幕本身，所以大家如果買咗呢部手機返屋企，都要好小心唔係跌爛個芒了！

Honor Magic V2 在文章撰寫時，建議零售價為 $10999，按這裡有詳細規格及最新賣價。