Honor Magic6 RSR 香港賣呢個價
Honor 聯乘保時捷推出佢哋嘅第二款特別版旗艦 Magic6 RSR，毋需預訂，即日起正式在香港公開發售，具有 24GB + 1TB 版本，建議零售價為 $11999。呢個價錢入手 Porsche Design 嘅特別版旗艦手機，如果跟同樣有 1TB 嘅三星 Galaxy S24 Ultra 相比，出面現時大舖價都只係減咗 $500 左右，即係 $12398，可見即使係特別版，Honor Magic6 RSR 都係平啲，但 RAM 就多 1 倍，雖然 RAM 多成咁唔知係唔係真係用得盡，但我覺得呢個價算係 OK，唔知大家又會唔會有興趣呢？
Honor Magic6 RSR 硬件規格
Honor Magic6 RSR 用上咗保時捷出名嘅飛線設計，並以 Porsche Taycan 作為設計靈感，由機身到鏡頭模組，線條都係一脈相承，並且提供到唔錯嘅握持手感。而保時捷嘅 Logo 以及跑車嘅各個細節都係用咗六邊形設計，Honor Magic6 RSR 嘅相機模組都係咁嘅設計，相當有標誌性。同時，手機機身還原咗 Porsche Taycan 光滑有質感嘅表面，機身配色由保時捷德國期圖加特原廠大師進行調色，帶來兩款配色，分別為瑪瑙灰以及冰莓粉，而相機模組和中框都採用超跑級嘅鈦合金材質，強度提升咗 150%。另外，手機正面用上 Honor 獨家研發金屬巨犀玻璃，應用第二代納米微晶玻璃以及跨界別研發嘅全新高硬度耐磨損材料氮化硅鍍層，實現 10 倍抗跌以及 10 倍抗刮能力，而機背亦用上巨犀玻璃，同樣有 10 倍抗摔性能。其他規格方面，Honor Magic6 RSR 配備咗 Qualcomm Snapdragon 8 Gen 3 處理器，內置 24GB RAM 以及 1TB ROM，用上 5600mAh 第二代青海湖電池，支持 80W 有線超級快充以及 66W 無線超級快充，同時具有 1/1.49 吋超大底長焦傳感器、1.8 億像素潛望式長焦鏡頭以及 5000 萬像素支持支持微距拍攝的超廣角微距鏡頭，前置鏡頭則配備 5000 萬像素 + 3D 深感鏡頭。
