HONOR X9b 銷量勁誇張！賣出手機疊起高過 19 幢 ICC！同時宣佈下周將推下代 X9c 系列超硬淨手機

左定坤 (Cho Ting Kwan) 2024-11-08 18:24 | Honor

做咗咁多年，大大話話至少去過過千場發佈會，好多時發佈會都係坐低、聽高層講兩句，介紹部機，然後就畀時間影機，好悶。但都有令我深刻嘅發佈會體驗，例如好似上年 HONOR 推出 X9b，sell 硬淨，唔單止畀大家揸手槍射落部手機度，仲畀大家即場 Drop Test、手機碎木板！現場畀我哋咁樣「虐待」部手機，真係大膽兼令我哋玩得好開心！而呢部手機推出以來都相當受歡迎，HONOR 表示銷量疊起仲高過 19 幢 ICC！認真誇張！同時，佢哋亦宣佈新一代產品 X9c 下周會登場！到底又會唔會延續佢哋受歡迎程度呢？

HONOR X9b 銷量勁誇張！賣出手機疊起高過 19 幢 ICC！

HONOR X 系列手機自推出以來，一直受眾人歡迎，最主要賣點係夠硬，全面防護能力出色，由 X9a 的碎合桃測試，到上代 X9b 各項極限挑戰，例如 Drop Test、防彈測試、碎木板測試等等，都證明咗手機堅硬無比，難怪大受歡迎。由 2024 年初至今，已售出手機疊起的總高度，甚至高於 19 幢全港最高建築物 —— 環球貿易廣場 (ICC) 的高度總和。

下周將推下代 X9c 系列超硬淨手機

而 HONOR 更宣佈，下代產品 X9c 將會在本月登場，開賣消息將會下星期公佈，唔單止延續「夠硬」嘅特性，防摔表現更上一層樓，同時更配備三層防水結構，就算手機喺濕潤狀態下亦能有效運作，更能喺極地環境中禦熱耐寒。另外，X9c 喺軟件功能方面亦很出色，唔單止續航力持久，仲具備 AI 攝影功能以及多項護眼技術。唔知大家又期唔期待呢？