版主收風 HONOR X9c 香港賣價 + 優惠
根據版主收風，HONOR X9c 香港建議零售價會係 $2699，購買 X9c 更會送 HONOR Watch 4 一隻，睇返大舖賣價資料，價值 $1099！就算市面好似 csl 網店有優惠，都只係減 $100，最新賣價 $999。部 X9c 賣 $2699，但送隻唔平嘅手錶，而且分分鐘仲有其他 HONOR 服務嘅優惠送，同以往一樣可能送嘅贈品抵得上機價，你又會唔會考慮呢？(更多優惠，我會等 HONOR 明日正式發表，再同大家 update)HONOR X9c 具有超強抗跌保護，勁耐用
規格係點，呢度版主就先賣個關子，但根據 HONOR 提早畀我哋預熱嘅資料，得知呢部 HONOR X9c 都係承繼咗該系列嘅耐用程度，具有全方位防爆抗摔，比 X9b 更進一步提升防爆抗摔能力，新一代 HONOR 防摔屏幕可以抵禦高達 2 米跌落，亦具備業界首創全包圍曲面屏幕保護層，能完全覆蓋屏幕，防止屏幕刮花和衝擊。此外，HONOR X9c 仲擁有業界首創緩衝氣囊保護殼，利用氣囊微小間隙，令保護殼受到撞擊時輕微變形，有效吸收能量，減低屏幕破裂和手機其他損壞嘅風險，配合超強化玻璃以及獨特貝茲曲線設計，可保護手機邊角免受撞擊，堅硬耐用程度較上代大幅提升 166%。同時，X9c 亦配備超密封 3 層防水結構，提供 360 度全方位防水保護，獲得 IP65M 抗水防塵認證，能在 25cm 深的水中浸泡長達 5 分鐘後正常運作，也能應對極端氣溫，即使在低至 -30 度至高達 55 度氣溫，都能運作如常。