黑鯊遊戲手機 2 到港! 用 S855 處理器，香港行貨賣呢個價

左定坤 (Cho Ting Kwan) 2019-04-02 20:06 | Blackshark

好似唔覺有人提過，你可能未必知，其實今個星期四會有壇發佈會，主角就是黑鯊遊戲手機 2。無錯，就如版主 Keith 之前所講，黑鯊遊戲手機 2 會係透過 Qool 呢間代理引入香港，會賣邊幾個版本，又會賣幾錢？唔使等發佈會，版主已經收到風，提早爆畀大家知！睇下文啦！



根據版主收到的消息，黑鯊遊戲手機 2 香港會率先引入 8GB RAM + 128GB ROM 版本，之後會再返 12GB RAM + 256GB ROM 版本，前者賣價約 $4400，而後者賣價則約 $5300，按照慣常的尾數，兩個版本賣價很大機會會是 $4398 以及 $5298。

可惜的是，黑鯊遊戲手機 2 目前香港只賣黑色，但版主覺得銀色會更靚呢~ 還有就是，今次黑鯊遊戲手機 2 跟機沒有遊戲手掣！ 對比中國大陸人民幣賣價，香港賣價約貴 $300 左右，網友又認為是否諗得過呢？



講返呢部黑鯊遊戲手機 2 係乜，佢係一部用上 S855 處理器的旗艦手機，具有 6.39 吋支援 DCI-P3 廣色域顯示的 AMOLED 屏幕，並會有屏幕指紋辨識；背面的機殼用上了金屬與玻璃雙材質，並採用了「折面光影美學」設計，而「X+2」的天線設計，則令玩遊戲時不影響收訊。另外，黑鯊遊戲手機 2 亦支持液冷 3.0 技術。還有就是，香港版將會跟舊代一樣，都是用上原生 Android 9 介面。

想知詳盡的黑鯊 2 介紹，可以睇返我們之前的開箱評測。

黑鯊遊戲手機 2 (8GB / 128GB) 在文章發表時，建議零售價為 $4398，按這裡有詳細規格及最新賣價。