黑鯊遊戲手機 2 Pro 香港賣價即睇！
基本規格大家都知道，所以這裡我先由價錢部份說起：黑鯊遊戲手機 2 將會在 9 月 4 日正式在香港開賣，提供 8GB / 128GB 以及 12GB / 256GB 兩種規格選擇，建議零售價分別為 $3998 以及 $4898，於 csl.、衛訊、豐澤、百老匯及其他特約零售商店有售，有電鳴黑、冰魄灰兩種顏色選擇，另外原廠會附有左手手掣同支架。有關雙滑軌保護殻以及二合一快速流動充電器的建議零售價尚未公佈，而以下黑鯊遊戲手機 2 的配件，則將會全部兼容黑鯊遊戲手機 2 Pro，建議零售價如下：
最平 S855 Plus 行貨手機現身，支持水冷散熱 有四千電
跟之前中國發表的大陸版主要不同的是：國際版的黑鯊遊戲手機 2 Pro 係會使用到仿 Pure Android 的系統。硬件部份用上 Qualcomm Snapdragon 855 Plus CPU 同 12GB Ram，當中的 CPU 主頻提升至 2.96GHz，同時 Adreno 640 GPU 達到 675 MHz，並使用左塔式全域液冷散熱系統作散熱。另外，黑鯊遊戲手機 2 Pro 用上 6.39 吋 19.5:9 AMOLED 屏幕，解像度為 2340 x 1080，雖然唔支援 120Hz 屏幕更新率，但屏幕觸控就支援 240Hz Report rate，而且觸控回應時間從黑鯊手機 2 嘅 43.5 ms 進化到 34.7 ms 速度，仲有嘅係使用左屏幕壓感 MasterTouch 技術，可利用壓感實現唔同程度嘅操控，同時左丶右兩側壓感可獨立映射，可將壓感操作對應到遊戲中嘅任何功能鍵。
此外，另一個賣點係電競手機專用電池，雖然電池容量部分，黑鯊遊戲手機 2 Pro 配置只有 4000mAh 電池，同上代相比係未升級，但官方宣稱採用電競手機專用電池，電池壽命會係普通電池嘅 1.6 倍，加上 AI 省電系統會提升 10％ 續航力。
相機方面就雙主鏡頭，主相機由 4800 萬 + 1200 萬像素雙鏡頭組成，用嘅係 Sony IMX586 感光元件，支援 F1.75 光圈，支援超級夜景拍照模式。至於前鏡頭則是 2000 萬像素，官方表示鏡頭可以捕捉肉眼不可見的細節，搭載 Pixelworks 獨立的影像處理晶片，相信有不錯嘅表現 (呢方面就等 Wilson 遲下同大家測試下)。
▲ 屏幕有 6.39 吋。
▲ 配埋遊戲手掣就會係咁。
▲ 背面採用 X 設計語言，而且都會發下光。
▲ 4800 萬 + 1200 萬像素雙鏡頭。
▲黑鯊遊戲手機 2 Pro 還採用左液冷 3.0+ 技術，聲稱係塔式全域液冷系統再升級，採用液冷板、液冷管分區散熱，使用金屬熔接技術令發熱嘅組件和液冷系統直接接觸，官方表示技術可令 CPU 溫度降低 14 度。
▲ 240Hz Report rate，而且觸控回應時間從黑鯊手機 2 嘅 43.5 ms 進化到 34.7 ms 速度
▲仲好好強調觸控回應時間快過其他電話添
黑鯊遊戲手機 2 Pro (8GB / 128GB) 在文章發表時，建議零售價為 $3998，按這裡有詳細規格及最新賣價。
黑鯊遊戲手機 2 Pro (12GB / 256GB) 在文章發表時，建議零售價為 $4898，按這裡有詳細規格及最新賣價。
歡迎 Follow 我哋 ePriceHK Telegram Channel，收取最新手機、科技及每日優惠資訊。
立即 Click 入: ePriceHK Telegram 產品優惠科技資訊頻道
https://telegram.me/ePriceHK
Click 入有關 ePrice.com.hk 嘅 Telegram 頻道介紹