講緊嘅係 realme 二月喺內地推出嘅 GT7 Pro 競速版，近日有水貨商引入國行版本，最低配置嘅 12GB + 256GB 版本，售價只係 $3,280，性價比相當高。呢部機主打效能向，強調打機體驗，例如 6000nit 亮度屏幕、GT 性能引擎、大面積散勢片能，標榜大型遊戲平均 59.3fps，機身溫度只係 35 度，唔使怕過熱跌幀率影響遊戲表現。而且特別嘅係廠商標榜可以邊充邊玩都唔會過熱，全靠矽碳負極電池技術。
規格方面，GT7 Pro 競速版搭載 S8 Elite，最高配置為 16 + 512，內置 6500mAh 大電用 120W 快充，機身支援 IP68 同 IP69 防水，6.78 吋螢幕達 450PPI。至於相機規格方面，呢部手機具有 Sony IMX896 感光元件嘅 50MP 主相機，同 8MP 嘅超廣角鏡，賣到咁平自然搵地方壓低成本可以話係意料之內，對影相好有要求就唔好諗呢部。另外就係冇無線充電功能，不過呢個價錢玩到 S8E 處理器，對於要求效能打機，其他功能唔太在意嘅遊戲玩家來說就好抵玩。
消息來源：國內手機代購