TCL 50 PRO NXTPAPER 5G 香港即日推新色
繼之前推出咗月亮灰之後，TCL 宣佈即日推出 50 PRO NXTPAPER 5G 新色，個名叫夜影藍，建議零售價為 $2698，同之前賣價並無分別。而最近豐澤仲有雙 11 優惠，購買指定手機滿 $2000，輸入優惠碼「1111MP」即減 $100，即係 $2598。二千中入手呢部手機，網友又會唔會考慮呢？
TCL 50 Pro NXTPAPER 5G 硬件規格
TCL 50 PRO NXTPAPER 5G 係一部相當特別嘅手機，具有 6.8 吋 NXTPAPER FHD+ 屏幕，解像度為 2460 x 1080，通過咗無反光 TUV 認證以及紙質感顯示 SGS 認證，佢係一種類似磨砂屏嘅屏幕，平時可以當普通手機用，支持 120Hz 刷新率，而手機側面會有個掣，可以快速將手機變成電子書模式，做到好似 E-Ink 嗰種墨水效果，好處係相當慳電同護眼。版主諗返起曾經出現過一部手機、電子書二用嘅手機，嗰部叫 YotaPhone，而家呢部 TCL 50 PRO，就係類似嘅產物，但唔需要好似 YotaPhone 咁要用兩個芒，一個芒就做到！另外，TCL 50 PRO NXTPAPER 5G 配備咗天璣 6300 八核心處理器，內置 8GB RAM 以及 512GB ROM，電池容量為 5010mAh，在墨水模式下可以支持長達 7 天閱讀時間，並支持 33W 有線快充。相機部分，手機採用咗 108MP 主鏡頭 + 8MP 超廣角鏡頭 + 2MP 微距鏡頭，前置鏡頭則為 32MP。