Nothing Phone (2) 呢度買即減 $1100！呢個價玩透明 + 有燈機背，即衝？

左定坤 (Cho Ting Kwan) 2024-06-25 20:46 | Nothing

今時今日，部部手機都一式一樣，如果要搵一部一眼睇出與眾不同嘅手機，Nothing 係其中一部令人一眼就認得出嘅品牌，係由 OnePlus 聯合創辦人 Carl Pei 創立嘅品牌，其推出唔少嘅手機，都係以透明機背作為風格，雖然有啲人會覺得陸味重，但我個人就算係比較接受，曾經都有玩過一段時間。而 Nothing Phone (2) 其實都推出咗一段時間，推出以來一直都比較少有減價，但原來呢度入手，有即減 $1100！想知詳情，睇下文啦！

即減 $1100 玩透明 + 有燈機背手機

Nothing Phone (2) 定位係一部旗艦手機，雖然喺推出嘅時候都係用舊代 U，但如果你對處理器唔係一定要追新嘅話，其實今時今日啲旗艦 U，用落都唔會有太大分別。呢部 Nothing Phone (2) 256GB 版本，推出嘅時候建議零售價為 $5499，一直都好少減價，不過如果你係 The Club 銀卡或以上嘅會員，喺 The Club 網店入手，就只需 $4399 就買到，變相即係減咗 $1100。呢個價錢，玩透明 + 有燈嘅機背，你又會唔會即衝呢？

Nothing Phone (2) 硬件規格

規格方面，Nothing Phone (2) 採用咗 6.55 吋 AMOLED 芒，解像度為 FHD+，支持 120Hz 屏幕刷新率，並支持屏下指紋辨識功能。同時，手機配備咗 Qualcomm Snapdragon 8+ Gen 1 處理器，我手上嘅版本，內置 12GB LPDDR5 RAM 以及 512GB UFS 3.1 ROM，電池容量為 4700mAh，並支持 33W 有線快充、15W 無線快充以及 5W 反向無線充電。至於相機方面，Nothing Phone (2) 具有 5000 萬像素廣角以及 5000 萬像素超廣角鏡頭，前置鏡頭則為 1600 萬像素。

按這裡有 Nothing Phone (2) 詳細規格及最新賣價