HKBN 推網上限定優惠！$98 起有 30GB 本地 5G 數據
說的是 HKBN 香港寬頻，最近推出咗全新網上限定專區，其中就將 5G 流動通訊計劃做優惠，最平 $98 月費，簽約 24 個月合約，就有 30GB 本地 5G 數據，兼且其後 1Mbps 任用數據。而如果你肯畀多 $40，雖然本地 5G 數據用量少咗，得 20GB，不過其實我覺得 20GB 同 30GB 又唔係相差好多，兩者都係低用量之選，但點解價錢貴咗，但本地 5G 數據用量少咗？如果你平時成日都會北上消費，或者不時需要去公幹，呢個 Plan 特色就係每月包 20GB 亞太區及中國內地數據，其中亞太區數據仲包括日本、南韓、台灣、泰國等 14 個國家 / 地區，適合鍾意周圍去嘅用家。
另外佢哋仲有 $168 嘅「最強煲戲煲劇組合」，其中包括 Disney+ 標準計劃以及 IQIYI 黃金會員計劃，如果平時鍾意用呢兩個 App 煲戲睇劇，就或者會對呢個 Plan 有興趣都唔定。
最後順帶一提嘅係，以上講嘅所有 Plan，喺最短合約期內都可以免每月 $28 行政費，同時呢幾個 Plan 都係由 3HK 提供網絡。詳情可以睇下圖或按呢度了解更多：
