小米推智能輕氣淨化機！網友指設計「參考」日本牌子 Balmuda
今日小米既「新品溝通會」主角真係估佢唔到，係出自家既空氣淨化機，不過既然係小米出品當然有一定既「智能」，呢部小米空氣淨化機係可以用手機控制，亦會智能通知手機空氣淨化的程度、濾沁幾時需要換，亦可以設定「定時淨化」功能。不過就有網友好快發現呢部「小米空氣淨化機」既設計同日本牌子 Balmuda 相當似，大小也是差不多啊
。小米空氣淨化機算唔算抵買？版主就比個例子大家，小米空氣淨化機既出風量係 409 立方米/ 小時，版主格過價超過 300立方米/小時的空氣淨化機最平都要 $6,000 ~ $7,000 ，小米空氣淨化機賣價 $899 人民幣（約 $1,100 港幣）比起同級裝置平八成！而係 28.4 ~ 48.7 平方米既面積入面可以做到 12 分鐘做到一次完全淨化，對於香港的蝸居真係夠晒（屋企更大係咪要買多幾部？
）不過大家都估到，小米空氣淨化機暫時只有大陸有得賣，於 12 月 16 號正式開賣。見到官方有 F 碼都知道，今次又係要「預約」同埋「搶米」，唔知有冇人會引入水貨呢？不過人仔 $899 (約 $1,100 港幣）一部空氣淨化機，網友們認為屋企需要嗎？留言講講吧！
▲這是日本品牌 Balmuda 的空氣清新機 AirEngine ，有網友覺得設計相當接近，不過佢賣成 $5,499 人民幣（約 $6,900 港幣），小米相對之下平 8 成！
▲叫得智能，就可以用手機搖控呢部空氣淨化機，它是支援 Wi-Fi 802.11 b/g/n
▲其實就算香港有水貨，濾沁也是一個問題。這個濾沁官方定價 $149 人民幣（約 $187 港幣），應該都唔會要搶吧？