最強頭戴全民試! HTC VIVE 民間體驗活動開始！新硬件 CES 公佈

左定坤 (Cho Ting Kwan) 2015-12-11 13:17 | 科技新知

版主 Keith 之前同大家提到，HTC 同 PC 線上遊戲平台 Steam 共同開發 VR 虛擬實境頭戴顯示器 HTC VIVE 已確實將會在明年 4 月正式進入一般消費市場。而 HTC VIVE 未正式開賣之前，HTC 於 12 月會在台灣舉辦一個活動，俾平民百姓親身體驗下 VR 裝置之餘，亦可以方便進行民調。而版主仲收到料，HTC VIVE 嘅最終版本，會係 CES 裡面公佈。


▲ HTC 的邀請函。

今次呢個活動同以往的有點不同。過往每次舉辦記者會，都淨係比記者朋友試玩，而民間百姓想體驗嘅話，係需要 booking 的。今次 HTC 將於 12 月 14 日在台舉辦呢個「全球領先消費者體驗記者會」，估計係希望在當日從使用者口中獲得意見，在 4 月正式開賣之前作最後調整，可見 HTC 進軍遊戲界的決心。而 HTC 係一月嘅美國消費電子展 CES，會正式公佈最新 VIVE 設計定案。

呢類的體驗活動，估計唔會淨係台灣獨享，唔知香港會唔會都有類似嘅活動呢? 如果有，你又會唔會想參加體驗下呢? 你對呢款 HTC VIVE 頭戴又有無興趣?