首先要講明，呢個「流動保安編碼」，暫時只係得 iOS 系統先用到，如果你部 iPhone 係有 Touch ID，亦都可以在 HSBC Apps 內進行理財，至於 Android 就要再等下。不過，用唔到都唔可以話係乜嘢損失，因為...... 有用左呢個「流動保安編碼」的用戶發現，其實用左呢個「流動保安編碼」之後，風險會大大提升！
伏點 001: 用了「流動保安編碼」，實體「保安編碼器」就會報廢。
伏點 002: 按照伏點 001，實體「保安編碼器」報廢，意味着你就千祈唔可以唔見你部手機，或者你手機唔可以出任何事情。如果你一個唔覺意唔見左部電話，就變相你想網上轉帳都唔得，一定要經 ATM 或者去門市處理，麻煩倍增。另外，仲有個情況更大鑊，假使你無唔見你部電話，但你行行下街唔舒服暈低左，只要人哋用你指紋印一印，就隨時可以轉走哂你啲錢，雖然去番銀行可以 check 得返你啲錢去左邊，但都係麻煩架喇！
伏點 003: 假如真係唔見左部手機，咁點做好？哦，根據 HSBC 的答覆，就係話打電話去取消「流動保安編碼」，然後你又要重新再申請過「流動保安編碼」，又或者申請番實體「保安編碼器」，但咁做係相當浪費寶貴時間。