光纖寬頻+無限Wi-Fi！「MyTV SUPER」寬頻組合平價登場！

左定坤 (Cho Ting Kwan) 2016-03-14 21:49 | 數碼影音

早前講過 3HK 會推出一個 myTV SUPER 的計劃，以增值的方式登場，所有 3HK 的用戶，都可以每月 $58 的優惠價，選用「myTV SUPER」基本組合以及 TVB 外購節目點播組合，而選購指定手機上台或升級的客戶，更可以每月 $38 的增值服務價錢享用此服務。而今日，3 家居寬頻宣佈推出「全家 Super Fun」娛樂組合，透過超值月費，以速度 100M 或 1G 的光纖寬頻，享受 TVB myTV SUPER 提供的節目，呢個組合係咪真係咁抵呢? 一齊睇下！



最平 $138 月費，享用「全家 Super Fun」娛樂組合
由 3 月 15 日開始，3 家居寬頻的「全家 Super Fun」娛樂組合就會正式推出，客戶只需以 $138 或 $188 的月費，就能夠享用 100M 或 1G 的家居寬頻、家居電話服務、無限「hgc on air」Wi-Fi 服務、租用「myTV SUPER」解碼器及 30 條頻道的多元化內容，包括中、港、台、日、韓劇集、粵語片等超過 11000 小時的精彩節目。

另外，呢個娛樂組合仲會提供客戶無限任用的「hgc on air」Wi-Fi 服務，在和記環球電訊超過 17000 個 Wi-Fi 熱點享用 1G 光纖寬頻為主幹的「hgc on air」Wi-Fi 服務，而於 4 月 17 日或之前申請呢個娛樂組合的客戶，除左可以豁免首月月費以及獲贈 $300 淨手機折扣券，亦可以在第 2 個月起，收看 Disney 點播組合，並享用「額外流動裝置服務。只要啟用左「額外流動裝置服務」，就可以隨時在智能手機或者平板電腦上，睇到「myTV SUPER」的節目。



同是 TVB 合作夥伴，3 比 HKBN 更抵用！
除左 3 家居寬頻之外，其實 HKBN 都同 TVB 有合作關係，同樣係有一個家居寬頻 + myTV SUPER 的組合，除左有 100M 家居寬頻之外，仲有 1000M 可以揀，到底 3HK 同 HKBN 邊個抵啲呢? 一齊比下！
 

	3 家居寬頻「全家 Super Fun」娛樂組合	HKBN 家居寬頻組合
100M	$138 / 月 (4 月 17 日前申請，平均月費約 $132)	$148 / 月
1000M	$188 / 月 (4 月 17 日前申請，平均月費約 $180)	$198 / 月
服務	-「myTV SUPER」會籍 (包括基本、TVB外購節目點播組合及額外流動裝置服務) -「hgc-on-air」Wi-Fi - 家居電話	-「myTV SUPER」會籍 (包括基本、TVB外購節目點播組合及額外流動裝置服務) - HKBN Wi-Fi - 家居電話 (連增值服務) - 每月最多 100 分鐘 IDD0030 服務

▲ 結果顯示，無論你係選用 100M 抑或 1000M 的計劃，都係 3 平啲，不過 3 就少左 IDD0030 的通話服務，對於平時無必要用到 IDD 的人來說，其實影響並不算太大。

來源：HKBN