小米筆電現身！全金屬機身、無 Logo 設計！
小米 Air 是小米涉足 PC 界的第一款產品，如之前流出的諜照一樣，無論是機身抑或鍵盤，都是以銀色為主要配色，主打輕薄，宣傳語都講到「像一本雜誌一樣輕薄」，相比 MacBook Air 的最厚處薄 13%。不過，就咁睇佢銀色的機身，雖然配備了全金屬機身，不過感覺上好似「膠味」甚濃。小米 Air 外型有少許似 MacBook 咁，機身尺吋為 309.6 x 210.9 x 14.8 mm，重量為 1.28kg，屏幕尺寸為 13.3 吋。機身左側有標準 USB 3.0 以及 USB Type-C 插槽各一個，而右側有 HDMI 接口、USB 3.0 插槽以及 3.5mm 耳機孔。而小米 Air 將會運行 Windows 10 家庭版作業系統。
▲ 相比 MacBook Air 最厚處薄 13%。
▲ 小米 Air 配備了 12.5 吋屏幕。
▲ 左側配備了 USB-Type C 插槽以及標準 USB 3.0 插槽。
▲ 可以留意到，小米筆電 Air 是沒有 logo 的，小米表示這樣的設計會更美觀，可以讓你自行定義機身的設計。
▲ 而右側亦有 HDMI 插口、1 個 USB 3.0 插槽以及 3.5mm 耳機孔。即係總共有 5 個接口，大家覺得夠嗎？
▲ 有銀色、金色兩種顏色。
配備 Intel 第六代 i5 處理器以及獨立顯示卡
規格方面，小米 Air 採用了 Intel Core i5 處理器，主頻最高可達 2.7GHz，內置 8GB DDR4 RAM，性能相比 DDR3 提升了 15%，並內置 256GB SSD，並支持 SSD 擴展，續航能力方面，大約可以用到 9.5 小時，並且只需半小時，就能夠充電至 50%。另外，小米 Air 配備了 AKG 定制級雙揚聲器，並支持 Dolby 環迴聲技術。
▲ 配備了 i5 處理器，主頻最高可達 2.7GHz。
▲ 配備了 NVIDIA GeForce 940MX 高性能顯示卡。
▲ 小米 Air 的配置。
One More Thing...... 更輕薄版本登場，售價無想像中咁「高性價比」？
大家最關心的，應該是價錢問題。小米 Air 的售價為 4999 人仔（折合港幣約 HK$5814），呢個價錢，似乎比想像中貴了一點。不過，原來小米 Air 仲有一個更輕薄的版本，但配置亦都差啲，12.5 吋版本，配 Intel M3 處理器，內置 4GB RAM 以及 128GB SSD，續航能力達 11.5 小時，賣價 3499 人仔（折合港幣約 HK$4069）。呢個價錢，過唔過到大家心理關口呢？網友又點睇？
紅米 Pro、小米筆記本 Air 相關連結
十核雙鏡頭 紅米 Pro ＋ iCore 7 處理器 小米 Air 筆電發佈
十核心、雙鏡頭挑機魅族、華為？紅米 Pro 震撼價，網友要敗？
最平價十核 4GB 雙鏡頭 拼華為 P9！紅米 Pro 版主初步評測 + 跑分！
小米筆記本 Air 四千有找！挑戰 MacBook Air 你點睇？
全金屬輕薄機身，挑機 MBA！小米筆記本 Air 實機評測，睇真啲！