▲ 上次黑五 比我恥笑過，減價幅度唔夠香港黎的索尼耳機 WF-1000XM4，係 Cyber Monday 竟然變成 218 美金，17XX 蚊港幣。 勉強平過香港細鋪 200 蚊咁大把，咁當然未計 MOX 個 5% 回贈喇。但 WF100Xm4 有幾正我就唔多介紹，呢款應該係目前地球上聲 + ANC 降噪效果最好的 true wireless 耳機， 我意思係音質 + ANC 同時都都兼備的選擇黎，如果你話單獨唔要音質要 ANC，咁 Bose 係好過佢。 要音質唔要 ANC，咁都係選擇索尼。 畢竟行 LDAC 的索尼，仲有全新 V1 晶片加持，真係無得輸。
▲ 係 Cyber Monday 真正清貨大劈價，竟然係samsung，佢公司最近動作多多，稍後會詳細講。 先講D 著數deals先。 第一部就係 WiFi 版的 Chromebook Galaxy Chromebook Go， 軍規級造工、續航力 12 小時、支持wifi 6 規格、14 吋。 上次黑5賣 249 美金，今次賣 245美金，平多左 4 蚊，係咪好開心呢？ 而呢個價錢係包左送到香港的運費，部野其實規格係好正，造工都相當好。處理器用 Intel Celeron N4500，行 ChromeOS 無壓力，可惜係 32GB emmc 版本，裝Android 就有心無力。2000 蚊有一部高質素 的 Chromebook，算吸引。
▲ 要用 Windows 的朋友，Samsung 有部 Galaxy Book Pro，獲得 Intel Evo 認證的 Laptop，15.6 吋行 AMOLED display，Intel 11 代 i5 處理器，配 8 GB RAM，512GB ROM，續航力長達 20 小時，香港版 16GB RAM 賣到成 9000 蚊。係 Amazon 你只需要 700蚊美金就搞掂，姐係 5600 蚊港幣包送貨上門的，唔需要搞轉運。 不論係白色或深藍色，價錢都一樣。部野最正係 15.6 吋，但得 2.3 lb，即係 1.1 kg 都無。
▲最後一件產品，都係來自三星，減價幅度真係吸引到喊，但唔係個個都有需要買。 因爲佢係一個高級的超廣角電腦芒，34 吋，解像度 3440X1440p ，擁有 75Hz refresh rate，4ms 反應速度，支持 FreeSync 協議，支持 HDMI 多重輸入，一個芒可以扮到兩個芒，同時接受兩個 Video Source 輸入。 留意翻，舊野有 7KG 咁重。所以標價 299 美金需要額外加 42 蚊美金的運費，但加落去，送到你屋企，呢塊好芒都係2800 蚊有找。你知道香港賣緊幾多錢嗎？ 4000蚊，最平細鋪要自己落去攞貨，就 3900 有找。 姐係話，Amazon上門買，送到你屋企仲要平 1000蚊。
有幾個小時考慮係咪入貨 ，IF 未比人掃晒。