如果以規格來講， Nexus 9 真係幾唔錯，呢部 Google 交由 HTC 主理的平板 版主 Eddie 之前就試玩過，評語係「集靚芒、效能、完善系統於一身」。係屏幕上， Nexus 9 有 8.9 吋，算係 7 吋同 10 吋平板的中間，解像度達到 2048 x 1536 。而處理器方面就用左雙核心， 支援 64 bit 的 Nvidia Tegra K1 2.3GHz 處理器以及 2GB RAM （雖然叫雙核，但效能並唔失禮的，尤其在圖像方面)。相機更有 800 萬像素主鏡頭同埋 160 萬像素前鏡頭同埋加入左 HTC 的 Boomsound 立體聲前置喇叭，至於電量方面就有 6700mAh 。不過係規格強勁的同時， Nexus 9 的定價都唔便宜， 16GB WiFi 版定價就要 $3088 ，而 32GB 的 WiFi 版更加要 $4288 。版主近來就發現係大鋪賣緊的 Nexus 9 已悄悄地減左價，而且減完後價錢比起深水埗場價更平！
▲ 係深水埗場內 Nexus 9 的價格同 Google 官網相比平左 $300 左右，不算差很遠。
目前，係場內 Nexus 9 的賣價 16GB WiFi 版要 $2788 ， 32GB WiFi 就賣緊 $3398 而支援 G LTE 的 32GB 版就要 $3998 。亦即係比起 Google 官網定價平 $300 左右。而係大鋪內就只有 16GB 版的 WiFi 版 Nexus 9 ，賣價 $2588 ；同埋 32GB 版的 4G LTE 版本，賣價 $3798 ，兩個版本都係比官網定價平多 $500 ！以今年來講，大牌子新推出兼具吸引力的平板暫時仍然不算好多（個人覺得 Z4 Tablet 相當吸引，但未出），唔知減完價後的 Nexus 9 又會否吸引到你呢？大家不妨留言講講啊！
▲ 至於大鋪內呢，價錢就減得比細鋪更多，差不多 $500 。
在文章發佈的時侯， Google Nexus 9 (Wi-Fi) 定價 $2,588 起，按此看詳細規格與最新賣價。
在文章發佈的時侯， Google Nexus 9 (4G LTE) 定價 $3,788，按此看詳細規格與最新賣價。
