衛訊限時將 11 吋 iPad Pro (M4) 減價
說的是衛訊，由即日起至 7 月 31 日，只要喺 eShop 網店或者衛訊門市購買 Apple iPad Pro 11” (M4) Wi-Fi 512GB，就可以享有即減 $700 嘅折扣優惠，如果用 Citi Visa 信用卡簽賬，仲可以減多 $320。另外，尋日都有同大家分享過，如果你重新啟動衛訊會員，又或者登記成為新會員，仲會送加埋 $500 嘅優惠，其中買滿 $4000 減 $200，就符合今次買機嘅要求，計起上嚟即係有超過 $1200 折扣，都算係少有 iPad Pro 會減咁多。你又點睇？
iPad Pro 11" M4 硬件規格
講返今次限時減價嘅 iPad Pro，佢係今年 5 月先推出嘅，所以最重要嘅一個賣點，係佢用上 M4 晶片，用上第二代 3nm 技術，具有 10 核心 CPU 以及 10 核心 GPU，其中 CPU 性能相比上代的 iPad Pro 提升了 50%，而 GPU 則比上代快了 4 倍。同時，M4 也具有 16 核心的 NPU。另外，佢採用咗 11 吋 Tandem OLED 屏幕，峰值亮度高達 1600nits，在陽光下都能清楚看到內容。而平板亦 sell 輕薄，厚度只有 5.1mm，而重量亦只有 0.98 磅。相機方面，11 吋 iPad Pro 具有 1200 萬像素 F1.8 光圈後置鏡頭，支持 4K ProRes 影片攝錄，同時後置鏡頭下方具有 LiDAR 傳感器，在使用 AR 應用時可以更準確。而前置 FaceTime 鏡頭則像 iPad Air 一樣，由短邊改成放在長邊，方便將 iPad Pro 橫向時使用。