12.2 吋實在太大？ Samsung Galaxy Note Pro 行貨跌一千你買唔買？

Eddie 2014-03-26 17:24 | Samsung

如果你手上有八千蚊，你會選擇買 Macbook 定係去買一部有 超高清 12.2 吋屏幕、Qualcomm S800 四核的旗艦平板呢 Samsung Galxay Note Pro 12.2 呢？對於版主來說兩樣野都真係好貴，就未必買得起啦，不過如果想買可能未必需要幫襯大鋪，事關場外最多平成 $1,400 ！已經慳番一部入門手機既價錢啦（買 4G Pocket Wi-Fi 都有找了）。

場價最多平千四蚊！Samsung Galaxy Note Pro 12.2 太大冇人愛？

Samsung Galxay Note Pro 12.2 開賣一個月，版主仲未見到身邊有人買左，行街既時侯亦沒有發現有人用，也許這部 12.2 吋的平板拿出外實在太重了吧。版主在開賣到現在接近一個月，在先達亦見到不少「全新有單」的 Samsung Galaxy Note Pro 12.2 「一手貨」賣， Wi-Fi 版便宜約 $1,000 左右用 $5,980 就買到； 4G LTE 價錢相當參差，最便宜可以便宜接近 $1,400 賣 $6,480 ；最貴大約在 $ 6,900 ~ $ 7,000，都已經係夠買 4G Pocket Wi-Fi 的價錢。

版主亦有去深水埗鋪頭問過， 相熟店員同我講 Samsung Galxay Note Pro 12.2 銷情不太好， Wi-Fi 版賣價 $6,080 和先達差不多，而 4G LTE 版就賣貴一點去到 $6,900 ~ $7,200 水位。當然這也是一個不便宜的價錢了，值唔值得真係見仁見智。網友們的心水平板又係邊部？順帶一提，同樣採用 Qualcomm S800 的 Sony Xperia Z2 Tablet 最近亦開放預訂，四月頭有望見街，你地又等唔等呢？


▲在先達場內已經有很多「保養有單」的「一手機」賣，不過行一行深水埗會發現細鋪亦有平賣，會有網友想入手嗎？

在文章發佈的時侯， Samsung Galxay Note Por 12.2 (Wi-Fi ）定價 $6,998，按此看詳細規格和最新賣價。
在文章發佈的時侯， Samsung Galxay Note Por 12.2 (4G LTE ）定價 $7,898，按此看詳細規格和最新賣價。