Galaxy Tab A 一出即減價？ 9.7 吋 LTE 版勝在支援全網通
首先出場的減價平板就係 Galaxy Tab A 啦！無錯，其實 Galaxy Tab A 推出的時間真係唔耐，大鋪都係近來先有 4G 版本，主打中港 4G 全網通仲有 S Pen 用！但係在規格上可能就未必係人人都 buy 了，首先 9.7 吋 Galaxy Tab A LTE 版只係得 4:3 屏幕比例 1024 x 768 解像度，處理器上都只係用 Qualcomm APQ8016 1.2GHz 四核心處理器（ APQ8016 即係 S410 ）配合 2GB RAM 以及 16GB 內置容量，相機方面就有 500 像素主鏡頭配搭 200 萬像素前鏡頭。本身 9.7 吋 LTE 版的 Galaxy Tab A 定價係 $3298 ，不過而家深水埗場內價錢就平少少， $3010 就可以買到，比起定價平差不多三百蚊！
▲ 深水場細鋪平板價錢向來會比大鋪平少少， 8.0 版 Tab A 都只係 $2680 。
2K 靚芒！ Galaxy Tab S 10.5 吋場內價平近千！
另一個今次要提的就係 2014 年 Samsung 的重點平板 Galaxy Tab S 10.5 吋 4G 版啦！呢部平板作為 Samsung 旗艦，係規格上到而家都仍然屬於頂級。有 2560 x 1600 10.7 吋解像度屏幕之外，處理器就係自家 Exynos 5420 1.9GHz + 1.3GHz 雙四核心處理器配 3GB RAM ，內置 16GB 容量並可以外置插卡，鏡頭方面就係 800 像素加 200 萬像素組合。係價錢方面，目前大鋪都仍然係做緊 $4598 ，不過深水埗高登黃金場內最平 $3700 都見過，平過大鋪 $898 蚊，應該算係吸引嘅。
▲ 在場內見過最平的 Galaxy Tab S 10 吋 LTE 版約為 $3700 。
Asus Transformer Pad 10 吋三千唔使！
上述所提到的 Samsung 平板雖然有減價但係價錢上都仍然要三字頭，對於要以更平價錢入手 4G 10 吋平板的朋友來講可能 Asus Transformer Pad LTE 版本都可以留意下。係屏幕上 Asus Transformer Pad LTE 用左 10.1 吋的 1920 x 1200 解像度屏幕，處理器就係 Intel Atom Z3745 1.8GHz 四核心同 2GB RAM 同埋 16GB 內置容量。相機就係 500 萬像素主鏡頭和 120 萬像素前鏡頭，電池有成 6760 mAh ！係場內版主見過呢部平板 $2998 就有交易，但就未必有鍵盤附贈。
▲ 要留意 Transformer Pad 雖然支援 4G ，但就不能通話。
不少朋友係選購 10 吋 4G 平板時，都會用作文書處理用途（所以Sony 先有 Z4 Tablet 連 Keyboard 套裝啦），但係好似 Galaxy Tab S 同埋 Tab A 本身並無連埋 Keyboard 可以選購。呢個情況下大家就唯有額外購入 Keyboard 啦， Microsoft 同 Logitech 都推出過支援 Android （同埋 iOS）平板的 Keyboard ，Microsoft Universal Mobile Keyboard 價錢 $600 有找，而 Logitech K480 就平一百。
▲左邊係 Microsoft Universal Mobile Keyboard 而右邊係 Logitech K480
文章發佈的時侯， Samsung Galaxy Tab A LTE 9.7 吋 賣價 $3050 起，按此看詳細規格和最新賣價。
文章發佈的時侯，Samsung Galaxy Tab S LTE 10.5 吋 賣價 $3700 起，按此看詳細規格和最新賣價。
文章發佈的時侯，ASUS Transformer Pad (FHD) 賣價 $2998 起，按此看詳細規格和最新賣價。
