三千有找！HUAWEI MatePad 11 (2023)：高效能平板，可配鍵盤變電腦

Keith Yim 2023-06-18 07:27 | Huawei

HUAWEI　推出全新 MatePad 11 (2023) 平板電腦，專為商務用家而設計。呢部平板電腦仲繼承咗 HUAWEI MatePad 系列嘅對稱美學，巧妙結合對稱設計、秩序感同埋現代科技。透過靚麗嘅星光砂工藝同埋宇宙星環設計，MatePad 11 為商務用家帶嚟一種優雅、深邃咁又好美嘅外觀。規格上亦十分良好，出機已採用全球第三大作業系統 HarmonyOS 3.0 享用全新科技之餘，亦可以配合多種 Android 程式使用！

11 吋芒選擇

HUAWEI MatePad 11 (2023) 有 120Hz 全面屏幕，2.5K 解像度，支援 P3 色域同埋色彩管理，仲獲得咗TÜV Rheinland 硬件級低藍光同埋無閃屏雙認證，為用家呈現更清晰嘅細節同埋更豐富嘅色彩效果。仲有，呢部產品都內置咗四聲道同埋四大振幅揚聲器，連埋 HUAWEI Histen 8.0 嘅演算法，可以帶嚟清晰震撼嘅影音體驗俾商務用家。另外，華為自家研發嘅 AI 降噪技術，仲可以自動過濾到周圍環境嘅噪音，為通話營造更加寧靜嘅環境。

喺生意嘅場景同埋辦公設備越來越多元化嘅趨勢下，HUAWEI MatePad 11 (2023) 可以支援各種唔同特色嘅應用，大大提升商務用家嘅工作效率同埋辦公體驗。配合第二代 HUAWEI M-Pencil，手寫延遲低至 2 毫秒，無論係開會記錄、繪圖定係分鏡嘅工作，都可以輕鬆處理。HUAWEI M-Pencil 仲有橫跨應用嘅取色功能，可以抽取多屏協同視窗度手機同埋筆記型電腦嘅顏色，讓設計創作更加高效。同時，佢都支援一鍵摘取文本、圖片、連續摘錄同埋全域批註模式等功能。

可配智能鍵盤

產品仲配備最新嘅 HUAWEI 智能鍵盤，採用全貼合包圍設計，唔止可以全方位保護平板電腦，仲有地方收納HUAWEI M-Pencil。鍵盤可以支援藍牙連接，無感充電，而且仲有超過40種電腦級多工切換快捷鍵，好方便用家操作，好似用電腦咁簡單。鍵盤都有筆記本模式同埋分體模式兩種使用模式，滿足唔同嘅場景需要，令商務用家可以喺各種辦公環境下高效自由地工作。

賣價資訊

HUAWEI MatePad 11 (2023) 預計 6 月尾開始發售，有曜石黑配色選擇，建議零售價為港幣 $2,988。留意嘅係，眾所周知嘅原因，雖然呢部機用上 Qualcomm 8 系處理器，但都只能推出 WiFi 版本，沒有 4G 或 5G 版本供選擇。