Sony Xperia Z3 Tablet Compact 細鋪最平 $2,900！大鋪買贈品過千先夠抵？
講起 Sony Xperia Z3 Tablet Compact ，係市場上都係幾獨特既一部平板，因為平板入面有 IP65/68 防水功能真係少見，而佢既 8 吋大小可以單手握得實，版主真係幾鐘意佢的。規格方面，佢採用 8 吋 1920 x 1080 解像度的 IPS 屏幕，Qualcomm S801 2.5GHz 四核心處理器、3GB RAM，內置 16GB 容量並支援外置插卡，相機方面是 800 萬像素主鏡頭和 220 萬像素前鏡頭，電池容量是 4500mAh ，而重量只有 270g 比起版主手上的 iPad Mini 2 還要輕，只有 6.4mm 的厚度都令佢收藏比較方便。咁究竟去邊度買會比較好呢？版主就行過黃金的細鋪，見到 Sony Xperia Z3 Tablet Compact 的 Wi-Fi 版現價是 $2,900，而 4G LTE 版賣 $3,600 左右，比起官價平 $600 ，店員有說到是「全新行貨」，都話包一年保養的；不過其實大鋪亦有做優惠。
版主問過百老匯賣 Sony Xperia Z3 Tablet Compact 的優惠最吸引，雖然是用原價 $3,498 (Wi-Fi) 與 $4,298 (4G LTE) 的價錢去賣機，不過跟機會送 Sony 的原裝 Stand Cover (值 $298) ，一隻 8GB 的 Micro-USB 手指，和 Sony 的藍牙耳機 BTN200M (原價 :$980) ，換句話說是送過千蚊的贈品，如果用恆生卡亦可以用雙倍 Cash Dollar ，$100 Cash Dollar 當 $200 用，雖然就跟官價賣，計番贈品都值番啵！網友們又覺得呢個優惠吸唔吸引你呢？留言講講吧！
在文章發佈的時侯， Sony Xperia Z3 Tablet Compact 定價 $3,498 起 ，按此看詳細規格和最新賣價。
