Lenovo Tab S8-50 大鋪再減！信用卡買平更多
上次就分享過 Lenovo Tab S8-50 係衛訊賣緊 $2398 而係場內就更平，只需 $1880 就買到。呢部有齊 4G 仲可以做到語音通話係屏幕上有 8 吋 FHD 解像度，處理器係 Intel 的 Atom Z3745 四核心處理器配上 2GB RAM 以及 16GB 內置容量（支援最大 64GB 插卡），相機就有 800 萬像素主鏡頭同 160 萬像素前鏡緣及 4290mAh 電池同埋預載 Android 4.4 ，可以話係規格唔差。（有網友話如果有 32GB 版係不錯之選版主都好同意）。係衛訊再減價之後，如果以指定信用卡入手的話只需要 $1678 就可以入手，足足減左 $720 。唔用指定信用卡比錢的話都可以用 $1738 入手，都平左 $660 啊！場內 3G Lenovo 平板一樣有平，一千有找
對於喜歡入手平價平板的朋友來講，可能 Tab S8-50 都未必係大家心裡面那杯茶。好在，係深水埗黃金都有其他平價平板可以選擇，好似以下呢部同樣係 Lenovo Tab 2 A7-30 咁樣。雖然呢部平板係 CES2015 時推出，但係規格來講其實不算很出色。 Tab 2 A7-30 只係支援 3G 插卡的同時在屏幕方面都只有 7 吋 1024 x 600 解像度，而係處理器方面就係用左 MTK MT8382 1.3GHz 四核心處理器以及 1GB RAM 同埋 16GB 內置容量（最大支援 32GB SD 卡）。相機方面就有 200 萬像素主鏡頭以及 30 萬像素前鏡頭，電池容量就係 3450mAH 。係價錢方面而家係場內賣價 $999 ，一千蚊唔使。唔知大家又覺得邊部比較抵玩呢？一齊留言講講啦。
▲ Lenovo Tab S8-50 係大鋪一減再減，會否是銷情未如理想？
▲ Lenovo Tab 2 A7-30 推出得幾低調，可能係因為配置未夠強的緣故。
文章發佈的時侯，Lenovo Tab S8-50 賣價 $1738 起，按此看詳細規格和最新賣價。