講緊嘅係 Lenovo 喺內地推出嘅 Lenovo Pad Pro 12.7，近期推出咗 2025 版，佢除了 12.7 吋 2944 x 1840 解像度、144Hz 更新率屏幕，有 JBL 嘅四聲道喇叭，睇片打機都有更好表現。有水貨商引入有 8+128/8+256/12+256GB 3 種容量配置，售價 $1,950 起，性價比都幾高。
至於規格，Lenovo Pad Pro 12.7 (2025）採用 4nm 製程嘅天璣 8300 處理器，在中階處理器中有不錯的好評。至於其內置 10200mAh 大電池，廠商稱可以用到 3.28 日，唔使日日充電，同時支援 45W 快充。配件方面，平板亦支援手寫筆同磁吸鍵盤，不過就要另購。
另外呢款平版支援一項名為 SmartConnect 功能，裝置間共享網絡、文件檔案更方便，可以無需密碼自動連接、秒分享相片文件，連 4K 片都可以流暢地同時播放。
消息來源：國內手機代購