雙卡隻待 4G 平板
市面上有不少 3G / 4G 平板，但價錢一係好貴，一係就無辦法直接打電話，只能作為一部上網平板。 之前得某韓國廠有直接通話既平板，要 4G ？ 仲要雙卡？三千蚊起碼啦。但今日我真係大開眼界，原來呢部 Archos 新登場既 80b Helium 4G 性價比好高。80b Helium 4G 係一部齊 4G LTE FDD Band 1800 / 2600，仲要支援 4G 雙卡雙待，係平板裡面切換 4G 卡槽。80b Helium 4G 更支援打電話功能！ 但望真少少，個規格得 MTK 四核心處理器，1GB RAM同埋 8GB 容量。哇，唔通真係魚與熊掌不可兼得？
Archos 80b Helium 雖然用上 MTK 處理器，甚至只得四核心，但呢款 MT8753 係 2014 年年尾才量產，用 Cortex A53 架構，並專為平板電腦而設。MT8753 用上 Mali-T760 MP2 @ 500Mhz 嘅 GPU，絕不是以往 MTK 四核的水準。跑分告訴大家真的效果。我覺得 Acrohos 80b Helium 得益於使用了原生 Android 系統，無添加軟件出廠的情況下，我在使用的體驗中，並沒有出現任何 LAG 的狀況，順利玩小遊戲，順暢觀看 Youtube 720p 片。
開箱
▲ 上圖正面，邊框都素都算窄；下圖背面，機身上下係塑膠，中間係冰冷既金屬。
▲ 機身左右兩側毫不意外就是開機鍵和音量鍵。
▲ 整個設計最奇怪係呢個 500 萬像素鏡頭，可惜成像表現絕對係古董級別，唔好有期望。不過平板都好少用黎影相啦。個頂蓋可以打開，見到有齊擴充記憶卡槽、雙 4G 卡槽、3.5mm 耳孔。
▲ 80b Helium 機身可以說做到很薄，跟右邊的 HTC M8 相比，肉眼檢測不到厚度上的差異。
▲ 八吋屏幕的 80b Helium 頂多單手 Hold 住睇電影，要一手操作好有難度。
▲ 如果是八吋講電話的情景，應該是這樣的。
▲ 箱面已經羅列曬賣點，但 8GB 都係賣點？雖然得 8GB，但 80b Helium 可以支援 Micro-SD 最高 64GB 容量。大家最關心的 4G 運作情況，說明書一清二楚：兩個卡槽都支援 4G，一個 Mini SIM、一個 Micro SIM。但同時只能有其中一個卡槽運行 4G，另一個就會降級運行 2G。
▲ 左圖機身正面有一行內放耳筒，用來接聽電話；機身底部自然少不了通話的收音孔。
跑分性能檢閱
一如之前所說，Archos 80b Helium 4G 雖然採用 MTK 四核心處理器，但其實是最新一代，效能絕對不差！在 AnTuTu 跑分是達 Qualcomm S600 嘅上平，而係測試 3D 效能嘅 Basemark II ES 中，得分更超過 50fps，是中檔效能嘅平板。只係 8GB ROM 與1GB RAM 令人有點怕容量不夠儲 App 以外的影音檔案。
▲ Archos 並沒有跟隨大陸品牌的界面設計 ( 抄襲 iOS? )，而是搭載有 App Drawer 的原生 Android 4.4！而且在主頁面也可以大叫一聲 OK GOOGLE，非常方便我的使用習慣。
▲ 首先來的是安兔兔，分數超過三萬分，30676 分的成績，超越 Qualcomm S600 處理器。至於 Vellamo 方面，瀏覽器成績還算不錯達到 2584 分，匹敵 Nexus 5；而多核心表現方便也跟 Nexus 5 打平，得到 1518 分。
▲ 而 Basemark ES 2.0 Taiji 成績出乎意料，80b Helium 可以在滿幀 60 內取得 52.62 fps 的成績，代表大部分遊戲都可以輕鬆運行。
▲ 從上圖發現，80b Helium 的 IPS 屏幕並非全貼合，有少許空氣層。而解析度只有 1280x800，就是一般高清解析度而已。屏幕的可視角度卻讓人滿意，而且內置軟件可以調控屏幕色彩、甚至動態顯示表現，其他品牌未見設有此功能。
四、仲有野想講
▲ 大家望下充電資訊，80b Helium 最高支援 2A 輸入，確保充電時間不會太慢。
在文章發佈的時侯， Archos 80b Helium 4G 已經在港發售，定價為港幣 $1599 元，按此看詳細規格與最新賣價。
