▲ HP Pro Slate 有兩個版本，8 吋屏幕 (見圖) 賣 HK$3,999；12 吋屏幕版本為 HK$4,999，都係 WiFi 版本。另有 4G LTE 版本。
Retina 芒 + 支筆
HP Pro Slate 其實有兩個款式，8 吋及 12 吋屏幕。今次版主主要介紹 8 吋屏幕版本。HP Pro Slate 8 除了有支筆，剛剛補完 Samsung Galaxy Note Tab 沒有更新嘅問題外，就係佢用左 4:3 比例屏幕，雖然有 8 字，但係其實跟 iPad mini 一樣，只係 7.9 吋。 2048 x 1536 已係 iPad Mini 2 嘅 Retina 解像度 (12 吋版本為 1200 x 1600 屏幕解像度) 。此外，它亦有八百萬像素相機及二百萬前鏡。HP Pro Slate 兩個版本都好似放大咗嘅銀色 HTC One M7，因為屏幕上、下都有揚聲器，HP 採用唔係 boomsound，但都有 DTS Sound+。規格方面，Qualcomm S801 四核心處理器，再加 2GB RAM，內建 32GB ROM，亦支援 microSD 記憶卡，算係唔錯。HP Pro Slate 呢部機主打當然係支筆。呢支 HP Duet Pen 筆芯可以是 Stylus 或原子筆，你要自己轉換筆咀。呢支 Duet Pen，採用 Qualcomm Snapdragon 筆控技術，可以直接用係個芒作手寫繒圖，亦可以寫係普通紙，同步係電腦屏幕嘅 App 出現，適合好似版主咁，覺得手寫筆記仲係比較易操作，但又想同時有個電子版本作備份。
▲ 跟機除了平板本身，亦包括了 HP Duet Pen。
▲ 呢支筆嘅筆芯，係分開兩個頭，一面係原子筆，另一面係 Stylus，支筆嘅側面，有個掣，你要白紙跟屏幕同步 sync，就要按住個粒掣啦。
▲ 8 吋屏幕版，大細跟 iPad Mini 2 大細差不多。
▲ 版主覺得 HP Pro Slate 8 外型就係銀色 HTC One M7 放大版，尤其上下前置揚聲器。
▲ 機側的連接埠方便連上鍵盤。
▲ 獨製嘅皮套，可以放置平板及普通筆記簿。用 HP Duet Pen 係筆記薄寫字，屏幕對應嘅 Apps 會同時顯示出來。
▲ 呢部機採用 Android 4.4.4 版本，可以升級至 Android Lollipop 5.0。內建 HP Duet Pen 嘅設定程式。
HP Pro Slate 8 WiFi 在文章刊登時，賣價為 HK$3999 ，按這裡有詳細規格及售價。
HP Pro Slate 8 4G LTE 在文章刊登時，賣價為 HK$4799 ，按這裡有詳細規格及售價。
HP Pro Slate 12 WiFi 在文章刊登時，賣價為 HK$4999，按這裡有詳細規格及售價。
HP Pro Slate 12 4G LTE 在文章刊登時，賣價為 HK$5799，按這裡有詳細規格及售價。
