▲ 只睇相片靠估，一定以以為呢部係以前嘅 Sony VAIO P!
4G LTE 平板，跟機送有用配件
靜了一排嘅 Alcatel 終於有新品係香港推出。今次推出嘅係 10 吋 Android 平板電腦 One Touch Pop 10。呢部機都幾屈機，相比早前推出支援 4G LTE 嘅 Hero 8 八吋平板，仲要賣得平 $2399 有售，但最誇張係跟機送埋鍵盤 Full Size 鍵盤。之前 版主 Lawrence 都寫過，呢類型鍵盤都要四舊水架。而係 Alcatel 嘅香港 Fanpage 更話香港版跟機送埋座充，都真係幾超值。
▲ 雖然 Alcatel 母公司中國大陸嘅 TCL，但 Product Design 還是可以，至少望上去好靚仔。
入門級規格 高階機外型
睇完相，係咪覺得呢部機好靚仔。版主的確有點動心，因為同樣有型嘅 Sony Xperia Z4 Tablet 成套要六千幾蚊嘅架，加陣平一半喎。不過，一分錢，一分貨，睇埋規格，唔知你又點睇？Alcatel One Touch Pop 10 採用 10 吋屏幕，解像度係 1280 x 800 Pixel 只係比 HD 好少少，當然無得跟 Z4 Tablet 嘅 2K 芒去比較。而 CPU 係 Qualcomm S410 四核心，64bit 架構，對應 64bit 嘅 Android 5.0 系統。同樣 Z4 Tablet 係取頂級嘅 S810 八核心處理器。而 Pop 10 得 8GB ROM 與 1GB RAM，相信大家都明白一分錢一分貨的道理。到底，真機係咪會「慢到飛起」，定係用上手，會唔係太差？留待稍後版主嘅實測。當然識貨都知唔會很得勁快勁順，主要睇下整體體驗會不會合理一點吧。
▲ Alcatel 香港 Facebook 專頁已寫明跟機送鍵盤，與座充。
Alcatel OneTouch Pop 10 於 2015 年 6 月 12 日上市，賣價 $2399，按這裡有更詳細規格及最新報價。