小米平板香港即將發售！賣價兩千有找你 buy 唔 buy？

Lawrence 2015-02-05 14:00 | 小米

之前版主就提過紅米 2 同小米平板係香港開賣的時間都會係農曆年前，果然今日小米就公佈左紅米 2 的開賣日期同賣價，咁小米平板呢？小米官網已經加左小米平板一欄，售價已經亦已經有顯示啦，唔知 $1700 樓下的價位大家又 buy 唔 buy 呢？


其實小米平板係大陸已經推出左一段日子，大陸係 7 月 1 號已經正式開賣，而版主 Eddie 都一早試玩過。雖然未算係新產品，但小米平板的規格卻係唔失禮的。係硬件上，小米平板用左 4:3 屏幕比例的 7.9 吋 2040 x 1536 解像度 IPS 屏幕，而處理器方面就用左 NVIDIA Tegra K1 4+1 核 Cortex-A15 2.2GHz 處理器以及 2GB RAM 同 16GB ROM （支援最大 128GB micro SD 卡)。而相機方面就係 800 萬像素主鏡頭 ＋500 萬像素前鏡頭的搭配，電池容量就係 6700mAh 。


▲ 版主 Eddie 早前就試玩過，評價算無不錯㗎。

係售價方面，小米官網公佈左 16GB 的小米平板係香港賣價 $1699 ，如果以性價比來計版主覺得都仲可以。雖然係官網目前仍然顯示暫時缺貨但小米官方就公佈左 2 月 10 號小米平板會限量首賣！唔知會唔會十幾秒都唔夠就被人搶晒呢？

在文章發佈的時侯，小米平板仍未公佈在香港開賣日期，定價為 $1699 ，按此看詳細規格和最新賣價。