外型更輕更薄，但規格或不如前代？
小米係今次的發佈會上面其實未有花到好多時間去介紹呢部平板，不過呢部平板在外型上對比上一代，其實都有不少的進步。在外型上，小米平板 2 對比上一代，最明顯的改變就係改用金屬機身，而且有「香檳金」以及「太空灰」兩色，可能因為 iPad 一早都用左金屬機身了，所以小米都沒有多著墨。係厚度以及重量方面，小米平板 2 都比起上一代有進步，好似 6.95mm 厚度就比上一代薄左 18% 而重量都輕左 38g 。不過，大家都要明白，小米平板 2 係定價上同小米平板第一代的原價相比，其實係更便宜的，所以在硬件規格上有部份反而不及上一代。第一件事就係版主之前都提到，係電量方面上一代有 6700mAh 電池，但係小米平板 2 只係得 6190mAh ，所以係外型上做到更輕更薄時，要留意小米平板 2 係作出了相應犧牲的。另外，係小米官方規格資料上，並未有提到支援 SD 卡，意味著 16GB 版本對部份朋友來講可能不夠用。要知道小米平板第一代係最高支援 128GB SD 卡呢！而且，係改用左 Intel 處理器之後，有消息指效能上小米平板 2 係退步左，不過呢點就要詳細測試過先知了。
全金屬機身！小米平板 2 實機齊齊睇
▲ 可能係為左令網友們不會大罵小米又抄 Apple ，小米平板 2 金色版的正面都係用左黑色機面的，不同於 iPad Mini 4 的金色版用白色機面。
▲ MI Logo 作為小米產品的標誌，係小米平板 2 上一樣搶眼。
▲係顏色方面，改用左金屬機身後小米平板 2 只有金色同灰色可選。
▲相機鏡頭為 800 萬像素。
▲而係機背底部就有一對喇叭。
▲以大陸平板而言，其實小米平板 2 機背都算簡潔，只有一個 MI 字。
▲ 小米平板 2 有一個重點要留意，就係改用 USB Type C 插口。
在文章發佈時，小米平板 2 開賣日期未定，按此看平板詳細規格及最新賣價。
紅米 Note 3、小米平板 2 相關連結
樣靚、高效集於一身! 千元旗艦紅米 Note 3 真機圖賞!
紅米 Note 3 四大驚喜! 千元手機今日現身!
金屬機身 + 指紋辨識 + 高性價比紅米 Note 3 即日發招? 小米發佈會直擊!
超薄全金屬機身，但規格不如前代？小米平板 2 實機齊齊睇
Win 10 / Android 雙版本！小米平板 2 價錢最平千元有找！