壓軸出場！小米平板 6 香港開賣！三千蚊有找 S870 旗艦 U 有 11 吋 144Hz 芒

左定坤 (Cho Ting Kwan) 2023-07-10 20:52 | 小米

連續三篇文章都係講小米，純屬巧合，咁啱小米推消費券優惠（好似 $700 買到 27 吋電腦芒幾抵！），又有一些新品推出（小米電視盒子 S 我幾鍾意，入嚟睇下～），所以就分拆咗兩篇同大家介紹。咁而家呢篇文章又想講咩呢？其實小米今日有新品發佈，聽日都仲有一部做壓軸，佢就係小米平板 6！不過，一如既往，版主已經提前收到風，得知呢部小米平板 6 的香港建議零售價係幾多！想知詳情，睇下文啦！

小米平板 6 香港建議零售價 + 硬件規格

小米平板 6 香港建議零售價為 $2999，到底呢部 $3000 有找嘅平板電腦，又有乜嘢賣點呢？講到呢部平板電腦嘅規格資料，其實並唔係咩秘密，因為大陸版嘅小米平板 6，其實早喺 4 月嗰陣已經發佈咗，採用咗 11 吋 LCD 屏幕，解像度為 2880 x 1800，支持 144Hz 屏幕刷新率，而且配備旗艦級數嘅 Qualcomm Snapdragon 870 處理器，電池容量為 8840mAh，並支持 33W 快速充電。相機方面，小米平板 6 具有 1300 萬像素後置鏡頭，前置鏡頭則為 800 萬像素。另外，小米平板 6 具有四個立體聲喇叭，並會運行基於 Android 13 的 MIUI 14 系統。

大舖差不多價位選擇不多

睇返大舖現時有賣嘅平板電腦資料，發覺原來差唔多價位嘅選擇並唔係好多，一係就一堆平價一千幾百蚊嘅大陸二三線品牌嘅平板，一係就去到二千頭嘅機。接近二千尾嘅 Android 平板，主要係呢幾部：

001：小米平板 5
只係畀大家參考一下，因為小米平板 5 大舖確實仲有賣，但相信小米平板 6 推出之後，上代一係就會唔賣，一係就會再度減價。參考現時豐澤售價，小米平板 5 最新賣價為 $2699，相比起建議零售價 $2999 平咗 $300。而規格方面，小米平板 5 採用了 11 吋 IPS 屏幕，解像度為 2560 x 1600，支持 120Hz 屏幕刷新率，配備 Qualcomm Snapdragon 860 處理器，現時豐澤尚有賣嘅，係 8GB RAM + 256GB ROM 版本，電池容量為 8720mAh，支持 22.5W 快速充電。相機部分，小米平板 5 配備了 1300 萬像素後置鏡頭以及 800 萬像素前置鏡頭。

按這裡有小米平板 5 詳細規格及最新賣價



002：Lenovo Tab P11 Plus
Lenovo Tab P11 Plus 建議零售價為 $2999，現時大舖最新賣價為 $2799，支持 WiFi + LTE，是一款性能強勁的 11 吋 2K 芒平板，但相比起小米，還是有段距離，擁有出色的顯示效果和強大的內部配置。它採用 MTK Helio G90T 處理器，搭配 6GB RAM 和 128GB ROM，並具有 13MP 後置以及 8MP 前置鏡頭，支持 IP54 防水防塵。