超平！六百蚊有找 10.1 吋 FHD 平板！有插卡支持 4G 配立體聲喇叭

左定坤 (Cho Ting Kwan) 2024-09-09 18:54 | 平板綜合區

版主成日都會同大家物色一些性價比高、抵玩的手機或者平板，總之同着數有關，我就一定會留意住。而早前香港有間代理就入咗一部平價平板電腦，$600 有找就可以有 10.1 吋 FHD 平板，用嚟當 AV 影音平板，都可以考慮，而且仲有得插卡支持 4G，仲有立體聲喇叭，硬件來說算是 OK，當然咁平，肯定只會係一部影音機，最多就偶然睇下片，唔好諗住可以用來打機。想知詳情，睇下文啦！

超平！六百蚊有找 10.1 吋 FHD 4G 平板

說的是 ARCHOS M3，最近有代理就引入咗呢部平板電腦，現時最新賣價為 $599，除咗採用咗 10.1 吋 TFT 屏幕，解像度為 1920 x 1200，配備紫光展銳 SC9863A 八核心處理器，內置 4GB RAM 以及 64GB ROM，電池容量為 6000mAh。

相機方面，ARCHOS M3 用上了 800 萬像素主鏡頭，前置鏡頭則為 500 萬像素。值得一提的是，呢部平板價錢雖然平，但佢都係可以插卡，即係可以用到 4G 上網，加上配備立體聲喇叭，去到邊帶住佢去睇片，相信都 OK 夠用。美中不足係系統比較夠，只有 Android 10，但 $599 呢個價嚟講，無得要求咁多啦！你又點睇呢？



購買查詢：鵬勃電子 Pengbo (27178131)