向來喜歡古古惑惑加價的老麥，3 號餐（巨無霸餐）和 5 號餐（魚柳飽餐）終於加價。雖然有兩款套餐加價，老麥亦有補充另外 3 款 21 蚊餐，分別係 6 件麥樂雞、雙層芝士孖寶同脆辣雞腿包。網上流傳的新價單非常騎呢，套餐價竟然比散買平，但版主虎仔親身到老麥睇過，發現另一張價錢牌，價錢比網上流傳嘅平少少兼正路得多。跳轉有得睇。
[SEP]
▲ 網上流傳的新麥當勞價錢牌，加價後巨無霸餐要 $36.8，魚柳飽餐要 $33，而脆辣雞腿包價格非常騎呢，套餐只要 21 蚊，但散買一個包反而要 $21.5，唔要薯條汽水反而要俾多 5 毫子。（相片來源：hkgolden）
▲ 版主虎仔在上環麥當勞則發現另一價錢牌，價格比較「親民」之餘仲正常得多。加價後的巨無霸餐和魚柳包餐為 $31.8 和 $30.2，亦冇套餐比散叫更平嘅怪現象。相信網上流傳嘅價錢牌是屬於山頂或馬場老麥的。
昨晚係 21 蚊 3 號餐最後一晚，有冇網友同版主虎仔一樣，趕在 12 點前食返個巨無霸餐呢？