福喜爆鑊搞到老麥都唔食得，如果香港 OK 便利店可以引入日本 OK 嘅呢款飯糰，相信會吸引唔少食客。日本 OK 便利店最近推出咗一款全新的煙肉芝士漢堡飯糰，將漢堡包嘅美味同傳統日式飯糰結合，跳轉睇下有幾吸引。
[SEP]
外型上，呢款飯糰同日本便利店買到嘅差不多，但餡料則是芝士、煙肉和漢堡牛肉。被壽司米飯和紫菜包裹，配以雞蛋和黑椒味沙律醬。最特別之處係，包裝上建議顧客將飯糰放入 500W 微波爐叮 45 秒，令到飯糰可以微熱。日本網站的食評就激讚，認為味道不俗，唯一是份量較細，起碼要兩個先夠飽。每個 298 日圓（折合 HK$22.6），網友有冇興趣試試？
資料來源：rocketnews24