仲記得好耐之前 Edison 嘅慾照事件嗎？當時因為警方發言人一句朋友傳閱冇問題，一時間人人都係「朋友」。估唔到事隔咁多年，有人竟然喺集資平台 Kickstarter 公開呼籲，叫 Backer 加佢做 Friend，之後以朋友身份大爆 Partner 嘅情慾秘史。究竟係邊個咁大膽，或者你都聽過或者被騙過，就係香港嘅「咖啡兄弟」。跳轉有更多料。
[SEP]
臭名遠播嘅「咖啡兄弟」Cap 完水一直冇貨交，Arist 咖啡機到而家都冇聲氣，Backer 固然嬲嬲上鼻。前陣子「咖啡兄弟」嘅細佬 Benson 更率先跳船，話冇辦法再活喺謊言和欺騙之中，有投資者於是就喺 Kickstarter 向 Arist 官方查詢。點知「咖啡兄弟」嘅大佬 Vincent 竟然派花生。
佢直指細佬 Benson 離開公司因為私人理由，又爆佢同公司同事關係極差，離開公司亦冇好來好去。不過更爆嘅相信係，大佬 Vincent 爆細佬 Benson 有性愛醜聞，要離開謊言同欺騙通通都係同佢搞過嘅女人有關。Vincent 話唔方便喺 Kickstarter 公開講 Benson 嘅污糟邋遢嘢，但有興趣知道詳情嘅，歡迎 PM 佢，佢會以朋友身份爆料。嘩嘩嘩！兄弟反面加性愛醜聞，係咪好 Juicy，仲勁過 TBB 膠劇先？！
資料來源：kickstarter