香港的商家舉辦宣傳活動，往往會搵明星𡃁模幫手宣傳造勢，不過最常見都係派下禮物，幫場地催谷人流。台灣方面就有啲唔同，早前台北西門町又一場宣傳活動，廠商搵咗十幾個身穿比堅尼嘅辣妹 Dancer 喺現場大跳火辣熱舞吸客，不過當中一位企喺最右邊，身穿白色比堅尼、灰色熱褲嘅女子，唔單止同其他 Dancer 完全唔夾，舞姿仲有啲騎呢。估唔到網民眼光非常銳利，引起了熱烈討論，有網民話自從開眼以來都未見過咁怪嘅舞姿，有人問佢係咪飲醉酒，甚至係咪撞邪被惡靈附身。不過喺宣傳角度，呢個廠商成功了。跳轉睇片！
[SEP]