Qualcomm S400 處理器！屏幕細緻度贏 Moto 360
要睇值唔值咁貴首先梗係要睇規格啦！ Huawei Watch 內建 Qualcomm S400 1.2GHz 處理器、4GB 內置容量同512MB RAM，以及用上相對省電的藍牙4.1 。屏幕方面就係採用 10000:1 的高對比度的 1.4 吋 AMOLED ，解像度有 400 x 400 同 286 ppi，比 Moto 360 仲要高。從規格來講 Huawei Watch 並唔差，係屏幕效果方面亦算係幾好，無 Moto 360 黑下巴問題。而係外觀方面 Huawei Watch 有黑色、銀色、金色等三種機身顏色，隻錶的 18 mm 錶帶就以可搭配金屬、皮革等任意材質 。另外，華為表示 Huawei Watch 的機冠、錶圈和錶帶是 316L 不鏽鋼材質，搭配冷鍛加工，除左提升外型質感，硬度同時可以提升 40 %。
▲ Huaweui Watch 的屏幕解像度高同埋係沒有缺角的正圓形。
▲ 銀色機身搭配金屬錶帶，以 Smartwatch 來講外型確係感覺上高檔少少嘅。
▲ 除了銀色機身外，Huawei Watch 另外還有黑色版本，一般相信銀色同黑色售價相對會比較便宜一點。
▲ 這是黑色機身搭配黑色金屬錶帶的組合，從機身背面可以睇到心跳偵測的感應器，同時 Huawei Watch 亦內建六軸加速度感應器和氣壓感測，對於喜歡跑步、行山的人都有幫助。
▲ 可能係為左照顧大陸呢個龐大市場，華為亦有為 Huawei Watch 推出金色版，傳聞金色版本的 Huawei Watch 就定價高達 1000 美元！（約為 $7756 港元）大家又覺得值唔值呢？版主個人就覺得呢隻金色土豪味甚濃啦。
最後值得注意係，由於官方新聞稿並無提及 Huawei Watch 的防水功能，因此目前還無法得知是否具有防水能力。華為官方就公佈左香港會成為首賣地區之一，大約會係 6 月正式發售。唔知大家又對呢隻智能手錶有無興趣大啲定係覺得 YK 分享過的 Moto 360 更吸引呢？留言分享下啦！
來源：GSMARENA