▲ 睇下 TalkBand B2 外型，乍看之下只係一款普普通通金色智能手環。
大玩創意！TalkBand B2 係藍牙耳機又係 Samrtwatch ？
首先簡單介紹下 TalkBand B2 的功能先！相較於 TalkBand B1，第二代的 TalkBand B2 配備 6 軸感測器，可以自動識別同埋更準確地記錄使用者狀態，包括運動以及深淺眠持續時間同時做到 IP57 防水標準。電量方面華為就表示 TalkBand B2 電池續航力可連續使用長達 5 日、持續通話時間達 6 小時、待機時間更長達 12 日！不過，以上規格都唔係重點，因為華為呢件 TalkBand B2 主打賣點就係 TalkBand B2 能夠做到藍牙耳機同運動手環 crossover ，係 Samrtband 的同時又係耳機！唔信有咁勁？睇埋下圖就會信了。
▲側邊睇，可以見到佢用左皮帶，但都未見到係乜咁特別。
▲出現了！原來 TalkBand B2 錶面可以拆出黎！
▲當 TalkBand B2 加上皮帶，佢就係一隻顯示時間日期的功能的智能手環。但拆出黎就係一隻可以顯示時間日期的藍牙耳機。
▲除左金色版，華為 TalkBand B2 亦都有銀色版可供選擇，大家又覺得邊隻色靚啲呢？
最後 TalkBand B2 唔單止支援 Android 4.0 以上手機，連 iOS 7.0 以上的 iPhone 都可以用。至於至於價錢方面，TalkBand B2 將推出黑、銀、金三色， 建議售價就依照標準版 ( TPU 像膠錶帶 ) 同高階版 ( 皮革錶帶 ) 分為 169 歐元與 199 歐元，折合約為港幣 $1421 同 $1673 。不知道這個價位，大家又 buy 唔 buy 呢？不妨留言分享下啦。