不能到門市拎 Apple Watch ！ Apple Sotre 門口冷清無人收錶
相信大家都知道今次 Apple 只會將 Apple Watch 送上門比購買的客戶而不會有門市取錶的安排。（門市即時買到錶更加無可能啦）所以早上到九龍塘的時候都唔多見有人去查詢 Apple Watch ，而慣常圍住 Apple Store 收機果批人更加只係收 iPhone 而不收 Apple Watch 。門市無得拎錶所以 Apple Store 門口無人放錶當然係意料中事，咁先達場內的情況又如何呢？版主 11 點多到先達時唔少鋪頭都仍未開門，某程度上都反映到佢哋對 Apple Watch 的態度啦！
▲ 場內仍係有鋪頭願意收 Apple Watch 的，不過詳細回收價就未有。
先達場內回收價比正價高最多一千蚊！Edition 版本未定
不過，已經開門營業的鋪頭之中仍然有不少係願意收 Apple Watch 的，但係因為未見有放錶的人所以詳細回收價就未出。版主問過場內鋪頭就表示 Sport 版以及標準版的 Apple Watch 回收價大約會係比原價高 $500 - $1000 左右，所以想放錶的朋友暫時仍然係有少少錢可以賺到嘅，但係價錢可以上到 6 位數字的 Apple Watch 呢？ G-World 的 Lo 哥就表示答唔到，因為都無人問。另外，以往係 iPhone 開賣期間長時間逗留係先達門外的大陸收機佬暫時都唔多覺眼，而場內就有大陸人拎住一份疑似「大陸回收價」的價目表，但版主一睇就發現全部都係 Apple Watch 原價來。不過，因為今日稍後時間訂左 Apple Watch 的朋友先會陸續拎到錶的關係，之後回收情況出現變數實在不出奇。但對於買左 Apple Watch 諗住有得炒的朋友，版主覺得都係小心為上好了，始終反應不算熾熱啊。
▲ 唔單至 Sport 版同埋標準版 Apple Watch ，連 Apple Watch Edition 都有鋪頭願意收。