
其實蘋果公司係尖沙咀開始 Apple Store 第四店都唔係咩新消息啦。但之前一直懶係保密咁要大家估估下,但尋日一個蓮花,就令蘋果外牆遮蓋物開嗮花啦! 小弟當然同大家去現場視察下場地,等我同一眾果農掌握先機,iPhone 6S 開賣之日就係發達之時啦!哈哈哈!

▲ 目測樓高三層,大型蘋果 LOGO 貼在外牆,對落就係巴士站,但好都車輛停靠同落貨。

▲ 呢個地點本身係商業大廈,上面有好幾間食店。大家可以見到裝修工人仍然望住我! 做咩姐你,快 D 開工啦!

▲ 至於你問我新店內籠係點? 我比張裝修圖你望下好過。(右邊係大門位置)其實蘋果店有咩好佈局呀~ 咪又係一堆枱加一堆機加一堆藍精靈同一堆遊客
係我拍攝既時候,路過既人好似先發現蘋果 LOGO 咁:「哇!係 Apple 呀!」其實新蘋果店既位置真係好唔就腳,地址應該係廣東道 100 號。我講點去先:地鐵站黎講,最近,當然係尖沙咀站,從 A1 出口去就最近最方便,唔使過馬路。下圖紅色係你要走既路線:

▲ 今次果農正,唔使係條街上面收貨賣貨! 你望下個地圖,後面有成個九龍公園做配貨中心,正!