英超播放權誰屬？版主收風：NowTV 樂視都有得播，收費或會減？

Lawrence 2015-09-08 18:19 | 科技新知

近日除左 iPhone 能夠引起港人的關注之外，另一樣不少人都好關心的就係下季以後英超的直播權最終花落誰家！之前版主 Keith 就同大家分享過樂視 Letv 2016-2017 季度起三年英格蘭超級足球聯賽嘅香港播映權，但後來又有消息指出其實 NowTV 都得到左英超的播放權，到底邊一間公司係下年播到英超，一時之間真係令人一頭霧水。版主剛才就收到消息，大家一齊來睇睇！

版主收風！ NowTV 來季仍然有得播英超！

現時 PCCW 自成功買入左自 2013 至 14 季度起連續三個球季的英超播放權之後，係可以獨家播足三百八十場英超賽事。不過下年起會係點呢？

今次版主就收到可靠的消息，確認到 NowTV 仍然可以播英超。係樂視同 PCCW 都提到自家都會播下季英超的時候，相信大家都有個疑問，到底下季英超會係點播呢？呢樣野其實版主暫時都不知道啊！不過如果雙方都有得播的話，也就是英超由一間機構壟斷播放的情況不再，係收費上因為咁而變低都不出奇。另外有不少網友都會擔心由樂視投得英超播放權之後，會無得聽廣東話旁述，以而家 NowTV 同樂視如果傾掂數齊齊播的話，會否由 NowTV 負責製作，同時係樂視到播放呢？大家不坊一齊估下啦！