首先，要講講，呢款智能手錶，唔係 Android Wear，都跟 LG 無任何關係，只係型號叫做 LG 118。包裝方面，其實版主覺得沒有甚麼特色。如果就咁望個包裝嘅話，包裝盒係一個普通嘅黃色盒子設計，如果面頭唔係有寫住 SMART WATCH 同埋錶嘅圖案，真係好難知道佢賣緊啲咩。不過咁，凡事唔可以睇外表，所以版主就打開佢，俾大家睇下入面有啲咩嘢先啦!
▲ 簡陋的設計，純粹係一個盒上面寫住 SMART WATCH 同埋錶嘅圖案。
▲ 打開個盒，我地可以見到有隻 LG-118 智能手錶、一條 USB 線同埋一份說明書。
而外型方面，喺正面嚟睇我哋可以見到LG-118 採用了方型錶面設計，配備為 1.5 吋屏幕，周圍被不銹鋼圍住，並配備一條擁有 NFC 功能的錶帶。從左邊側面來看，我哋可以見到有一個 USB 槽同埋開關鍵，而右邊係乜都無嘅。
▲ 採用方形錶面設計，下面有個喇叭孔，擁有 1.5 吋全貼合觸摸屏。
▲ 側面見到有 USB 槽 (左) 以及 開關鍵 (右)。
▲ 支援 Micro-USB 插頭充電。
▲ 錶帶背後寫着 NFC Smart Watch ，代表會支援 NFC 功能。
▲ 後殼可以拆開，可以插入 Micro-SIM 卡，以及 Micro-SD 卡。
▲ 輕按一下開關鍵，然後在錶盤界面上點擊，就可以轉換不同的風格。
相機方面，LG-118 的相機處於屏幕的上方，配備 30 萬像素鏡頭，而相嘅 Size 有 160 x 120, 240 x 240, 320 x 240 同埋 640x 480 四個選擇。影出黎張相其實唔係好大，而且得 30 萬像素，最適合就係用黎做 Facebook Profile Picture， 或者只能影大範圍風景相。
▲ 用 LG-118 調較到最高 Quality，最大相片尺吋。
咁上面講左咁多啲比較表面嘅野，而家我就同大家開始講下呢隻錶嘅功能。首先我哋第一步要做嘅嘢就係開藍芽，同自己部手機配對左先!
▲ 配對 LG 118，之後就可以用到好多唔同嘅功能。
通話功能
假如你無開啟藍芽功能又無插 Sim 卡嘅話，你會發覺係無辦法打電話嘅。而你可以使用 Sim 卡或者 Bluetooth 嚟打電話。當我哋開啟左藍芽功能或者插入左 Sim 卡之後，咁我地就可以正式咁用隻手錶嚟打出打入。另外，連接藍芽後，你可以同步你的訊息、電話簿、通話紀錄等資料。不過要注意，呢隻錶如果你要插 SIM 卡 ， 只支援 2G GSM 網絡。
▲ 開啟 Menu，按 Dialer。
▲ 之後就可以輸入你要打嘅電話號碼。
▲ 然後你就可以選擇 BT call 撥出。(當你未開啟藍芽的時候，BT call 個字會變灰) 如果你係用 Sim 卡通話嘅話，咁你就揀上面嘅 Local Call。
同樣地，如果有外來電話打嚟嘅話，只要你一直開住藍芽同部電話係連接緊的話，LG-118 就會好大聲咁響，通知你有人打電話俾你。咁至於通話質素方面，個人覺得都尚算清晰嘅，不過如果你係條街度行果陣，正常應該都唔會對住隻錶講電話嘅，所以你當佢主要係俾你一個提示功能就可以了。
睡眠監控功能
睡眠係我哋生活入面一樣好重要的活動，良好的睡眠對我哋的精神、健康都很重要。而 LG-118 具有睡眠監控功能，能夠有效感應你睡眠的質素，讓你可以知道自己有無訓得唔好嘅問題。根據版主嘅測試，相信佢係根據你睡眠嘅時候身體移動的次數而衡量你係咪有一個良好的睡眠質素。
▲ 如果你訓覺果陣唔係成日郁嚟郁去嘅話，代表你的睡眠質素係 「Very Good」。
▲ 相反，如果你訓覺果陣成日都輾轉反側，咁就代表你嘅睡眠嘅質素唔係咁好，手錶上就會顯示「Poor」。
推送通知功能
LG-118支持通知推送功能，如果你 Facebook 有人搵你，或者收到 Email，你都可以透過你的智能手錶收到通知。不過有一個重大問題的是，LG-118 並沒有支援中文語言，所以就算有通知都好，都顯示唔到啲字出黎，個人認為呢個係一個嚴重嘅問題，因為就算你知道有通知都好，你都係一樣要拎部手機出嚟，先可以睇到訊息。
▲ 來自 Facebook Messenger 的通知，但因為訊息的語言是繁體中文，所以無法顯示出來，會變哂格仔。
▲ 就算俾你按入去 View，情況都沒有改變。
▲ 再測試英文訊息，就能夠清楚顯示出來。
總括嚟講，呢個功能我覺得唔係咁完善，因為佢唔支援中文，咁對於香港人嚟講係一個好大嘅缺點。試諗下，有邊個人會特登係手錶開個通知功能，但都要拎部電話出嚟去睇? 所以呢個通知功能嘅問題真係要有待改善。
以下為更多 LG-118 智能手錶的規格：
其實 LG-118 仲有一個問題，就係無得自動調整時間同時區。而家好多智能產品都可以唔需要手動 set 時間，但呢部 LG-118 居然無呢個功能，呢樣真係有啲愚蠢......唔知大家睇完版主嘅評價之後，會唔會諗住想買呢? 可能你心裏面會諗，佢好似無咩特別，功能唔係咁完善咋喎...... 不過講多個消息俾你聽，呢隻智能手錶嘅售價只需 HK $300 左右，聽完個價錢之後，又會唔會回心轉意呢? 其實講到尾，智能手錶都係手錶，最主要嘅功能都係睇時間，如果以呢個價錢，你就想要有智能手機的功能，咁就真係難啲。所以我覺得，真係用到就得，功能只是身外物，你認為呢?
LG-118 賣價為 US$31.99，約 HK$250，按這裡可以網購兼免費送貨。