版主最欣賞呢隻 App 嘅地方在於佢提供嘅醫療服務，而家你可以透過你 iOS 或者 Android 平台嘅手機，下載 One Pass 呢隻 App。呢隻 App 可以助你透過手機，搜尋適合你嘅專科醫生，並且可以即時進行預約服務，並且能夠更改或者翻查你嘅預約紀錄，令你可以更方便咁管理同埋滿足自己嘅醫療及保健需要。
▲你可以透過 One Pass 即時預約醫療服務。
唔單止咁，我地平時睇醫生，都係得醫生護士先可以睇番你嘅病歷，你自己係無辦法 Check 番嘅。而家 One Pass 呢個 App，直澄可以為你記錄個人健康狀況同埋幫你儲存你嘅病歷，等你可以隨時自己睇番之餘，經同意後更可自行同你嘅主診醫生分享，以便能夠更快更準確咁得到診斷嘅結果。
另外，呢隻 App 亦都可以為你提供理財規劃嘅服務，透過一個簡單嘅財務評估工具，可以為你計算退休儲備、危疾保障、人壽保障以及教育基金等。
版主個人認為呢隻 App 都幾實用，當然我覺得最有用嘅地方在於佢嘅醫療預約服務，呢項服務先真正能夠方便到大眾嘅需要。事實上呢隻 App 仲有好多實用嘅功能，以下係呢隻 App 嘅短片，可以俾大家更詳細了解呢隻 App 所提供嘅服務!
唔知大家覺得呢隻 App 點呢? 版主覺得呢隻 App 目的理念好就好嘅，不過目前尚未完善，例如版主現在身處大埔，但搜尋附近嘅診所最近嘅都係尖沙咀，不過版主都會期待佢嘅改善嘅! 你又點睇呢?