Facebook 擬推出「Message Request」，不怕錯過任何訊息!

左定坤 (Cho Ting Kwan) 2015-10-30 16:55 | 科技新知

相信大家（特別係平時有做開網上買賣嘅你）都曾經試過，有啲唔喺你 Friend List 入面嘅人 inbox 你，但係你喺手機版 Facebook Messenger 上面睇唔到，要用電腦版打開收件匣再按「其他」先可以睇到果段訊息。唔知大家有無覺得好麻煩呢? 好似版主我咁，之前都有搞過一啲網上生意，咁賣得野實有人 inbox 搵你架啦! 咁手機又無提示，我又好少上電腦版 Facebook，導致有時明明有生意，我都差不多半個月後先見到，再覆番嘅時候人地已經唔買了。而家手機版 Facebook Messenger 將會針對呢點作出改善，版主覺得會幾有用，所以特地同大家分享一下。



據外媒表示，Facebook 已經決定左要廢棄 Other Inbox 呢個功能，改用其他方式讓你同一些非好友名單內的人聯絡。而呢個方式叫做 Message Request，意思即係話，如果有好友名單以外嘅人 inbox 你，Facebook Messenger 就會彈出一個 Message Request 嘅提示，只要按入去 Message Request，你就可以見到來自其他你可能認識嘅人嘅訊息，你可以選擇「Accept (接受)」或者「Ignore (不理會)」，咁樣你就唔會錯過來自任何人的重要訊息，呢個功能相信能夠方便到好多人，特別係平時需要同陌生人有互動的人。



其實版主我好好奇，到底有幾多人曾經遇過好似版主一樣嘅問題呢? 一直無檢查 Other Inbox，點知原來其實有好多人搵過你你唔知道? 你覺得 Facebook Messenger 未來呢個變動會唔會方便到你呢? 留言俾下意見啦!

來源：TheVerge